Tenei Pukapuka i tuhituhia i tenei i te rua tekau ma tahi (21) o nga ra o Hanuere i te 1865. 21 January. tau o to tatou Ariki 1865 he Pukapuka tino hook tino hoatu tino tuku whakaoti atu na Whangarei District. matou na nga Rangatira me nga Tangata o Te Huriroroa Te Parawhau no ratou nga ingoa e mau i raro nei a hei whakaatu tenei Pukapuka mo matou mo o matou Mongari. whanaunga me o matou uri mo te tuhituhinga o o matou ingoa ki tenei pukapuka i raro i-te ra e whiti nei kua whakarerea rawatia kua tino tukuna rawatia atu kia Wikitoria Kuini o Irigarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni e toru rau e toru tekau £330 kua utua mai ki a matou e Te Herangi mo te Kuini (a e whakaaetia nei e matou te rironga mai o aua moni) ko taua wahi whenua katoa kei Mongari ko Mongari te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana page 180wahi ki nga tikanga katoa o tenei Pukapuka kua tuhia nei te ingoa o William N. Searancke Kaiwhakarite Whenua. Ko nga rohe enei o taua whehua ka timata i Maramanui Boundaries. ka rere i te raina ruritanga o Mr. Bedlington puta noa ki roto kei Waipiu ka rere i roto Waipiu ka puta kei Mongari ka rere i roto i taua awa o Mongari ka puta ki te Rere haere tonu te Wahapu o Wairua ka rere i roto Wairua te Rahiwai Mapuna, ka haere Kurara, Okawa, Porewa nui Porewa iti tahi noa kei Maramanui ki te robe o te whenua kua tukua kia te Kuini i mua ka mutu i konei la te wahi i timata ai kei Maramanui.