Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume One

Waikare Block, Taiharuru, Whangarei District

Previous Section | Table of Contents | Up | Next Section

Waikare Block, Taiharuru, Whangarei District.

1864. 30 June.Tenei Pukapuka i tuhituhia i tenei i te 30 o nga ra o Hune i te tau o to tatou Ariki Whangarei District. 1864 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Te Waiariki no ratou nga ingoa e mau i raro nei a hei Waikare. whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni E iwa rau kotahi tekau ma rima kua utua mai ki a matou e Will. N. Searancke mo te Kuini (a e whakaaetia nei e matou te rironga mai o aua moni) ko taua wahi whenua katoa kei Taiharuru ko Waikare te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o page 170taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua wkenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tona kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o William N. Boundaries. [8,580 acres.] Searancke Kaiwhakarite Whenua. Ko nga rohe enei o taua whenua ka timata i te whenua o nga Maori i Taiharuru i Huitau rere tonu ki te taha moana kei Tohora i reira i runga i te rohe o te Pihi whenua o Manaia kei Waitangata a haere tonu i roto i te Waitangata ki te raina ruri o Kaiwha a haere tonu i runga i te rohe o Kaiwha ki te whenua Maori kua huaina ko Rukuwai a tahi noa ki te awa o Waikare haere tonu i roto i Waikare i Pataua ki te raina ruri o te Kahakaha ki runga i te rohe o te Kahaka kei Taiharuru ka whiti i Taiharuru haere tonu i runga i te rohe o te whenua maori i reira tahi noa ki te timatanga kei Huitau.

Hoani Papita Takahanga x his mark.
Mohi Te Peke x his mark.
Te Watarau x his mark.
Raha mango.
Kamira te mahara x his mark.
Kohi nau.
kere ama te tauri.
Honi Wiremu kainga kore.
makarini hakiro.
hoterene tawatawa.
Reupena puni.
Te Matenga x his mark.
Henare te Moananui.
kere peti hoki tomuri.

Receipt for £875. Kua riro mai ki a matou i tenei ra i te 30 o nga ra o Hune i te tau o to tatou Ariki Kotahi mano e waru rau ono tekau ma wha (1864) nga Pauna moni e waru rau e whitu tekau ma rima (£875 . 0 . 0) Ko te utu tino otinga ki a matou tenei kua whakahuatia ki te Pukapuka tuku e mau i runga ake nei kia utua mai ki a matou e William N. Searancke mo te Kuini.

Hoani Papita Takahangax his mark.
Te Wataraux his mark.
Mohi Te Pekex his mark.

Nga Kai-titiro ki te tuhituhinga i nga ingoa katoa, i te hoatutanga i nga moni—

William N. Searancke, Dist. Commr.
Hemara, no Pataua.
puke tawa, no Raumanga.

1864. 5 July. Kua riro mai ki a matou i tenei ra i te rima o nga ra o Hurae i te tau o to tatou Ariki 1864, Nga Pauna moni e wha tekau £40 . 0 . 0 ko te utu whakaotinga tenei kua whakahuatia ki te Pukapuka tuku e mau ake nei kia utua mai ki a matou e WilliamReceipt for £40. N. Searancke mo te Kuini.

horomona.
he ma horo mona.
Meri.

Kai Titiro—

Joln S. Rust, Storekeeper, Wangarei.
Will. N. Searancke, D.C.

Previous Section | Table of Contents | Up | Next Section