Tenei Pukapuka i tuhituhia i tenei i te waru (8) o nga ra o Akuhata i te tau 1863. 8 August.Whangarei District. o to tatou Ariki 1863 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngatikahu no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te Maruarua. tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni kotahi te rau e rua tekau Pauna kua utua mai ki a matou e Te Herangi mo te Kuini (a e whakaaetia nei e matou te rironga mai o aua moni) ko taua wahi whenua katoa kei Kaitara ko Maruarua te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa page 166nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me p matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o William N. Searancke he Kaiwhakarite Whenua. Ko nga rohe enei o taua whenua ka timata ki te Pou o Penetana i te awa o Ohopu i roto i te repo o Papakuri, ka rere ki te taha ki te Hauauru ko te rohe o te whenua ko Mirowhakatiki te ingoa kua hokona i mua kia te Kuini o England, ki te taha ki te Tonga ki te raina ruritanga tae noa ki te huarahi o Penetana e rere ana ko Pewhairangi haere tonu i taua huarahi, tae noa ki te tomonga atu i roto i te Ngaherehere o Kaitara i konei ka huri ka haere i te taha ki te Marangai, ki te awa o Maruarua, rere tonu i roto i Maruarua tae noa ki tona mutunga i roto i te repo o Papakuri, haere tonu ki te Pou i timata ai.