1863. 9 February.Whangarei District.Tenei Pukapuka i tuhituhia i tenei iwa (9) o nga ra o Pepuere te tau o to tatou Ariki 1863 he Pukapuka Onerahi. tino hoko tino hoatu tino tuku whakaoti atu naku na te Rangatira o Te Parawhau te ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o toku ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni Erima rau kua utua mai ki a au mo te Kuini (a e whakaaetia nei e matou te rironga mai o aua moni) ko taua wahi whenua katoa kei Whangarei ko te Onerahi te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ono wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki tana wahi; Kia mau tonu kia Kuini Wikitoria ki ona uri. ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei toku ingoa me toku tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o te Rokena Kaiwhakarite Boundaries. Whenua. Ko nga rohe enei o teua whenua ka timata i Waipuna ka haere i runga i te page 165raira ruri o Owhiua, ki te ritenga o te kapehu 112° (5450 riki) a tae noa ki Waiariki, ka haere tonu i te wai o Whangarei a tae noa ki Onerahi rere [gap — reason: damage]onu a tutuki noa ki Waipuna ki te timatanga.