1859. 15 August.Whangarei District.Tenei Pukapuka i tuhituhia i tenei kotahi tekau ma rima o nga ra o Akuhata i te tau o to tatou Ariki 1859 he Pukapuka tino hoko tino hoatu tino tuku whakaoti atu na matou Waikeriawera. nga Rangatira me nga Tangata o Ngatimanuiri, o te Uriokatea no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki ana ranei e whakarite ai hei whakaritenga mo nga Pauna moni E rima rau £500 .0 . 0 kua utua mai ki a matou e te Rokena mo te Kuini (a e whakaaetia nei e matou te rironga mai o aua moni) ko taua wahi whenua katoa kei runga atu o Mangawai ko Waikeriawera te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Boundaries. [12,738 acres.] Pukapuka kua tuhia nei te ingoa o te Rokena Kaiwhakarite Whenua. Ko nga rohe enei o taua whenua ka timata i te Arai, ka whai i te ki te Tonga o Mangwai, a tutuki noa ki te rohe o Oruawharo, ka tika atu i konei i runga i te rohe ki te taha marangai o Oruawharo tae noa ki Pukemiro, ka rere atu i konei a Nga Motu; ka ahu atu i konei te raina ki te ritenga o te Kapehu 75°. 5447 riki tae noa ki te Whanau kauariki ka tika tonu atu i konei te raina ki te ritenga o te Kapehu 30°. 30'—49677 riki, a whiti ana i Waitewhanga i Waikowhara tae noa Puke Opuawhango; ka rere atu i konei te raina ki te ritenga o te Kapehu 45°. 14400 riki ka na te taha o Putakaka ka poka atu i te huarahi Maori ki te Waikeriawera a ka tae ki te taha tika o te moana ka rere atu na te taha tika tae noa ki te Arai, ka tutaki nga rohe ki reira.