No te rima o nga ra o Oketopa ka tuhituhia to matou pukapuka tuku whenua ki Maraekura 1855. 11 December.Whangarei District. ka tukua e matou e nga rangatira o Ngaipou o Ngaipo o Ngatiouenuku o te Maungaunga o Ngatihaua kia te Kuini o Ingarani ki ona uri i muri i a ia ake tonu atu taua Maungakaramea No. II. whenua ko Maungakaramea he utu mo nga pauna moni e rua mano e waru rau takitahi £2800 e rua mano (£2000) o aua moni i riro mai ki roto i o matou ringaringa i a te Honiana he Kai whakarite whenua mo te Kawana o Nui Tireni. Ko nga rohe enei o Boundaries. taua whenua ka timata ki Tauoma ki te mareretanga o te rohe o Maunga Tapere ki te moana a haere tonu ki te rohe o Maunga Tapere Wanauroa Pukeatua Otuhi ka anga ki te tonga ka haere i roto i te awa o Torengaua ki tona tutakitanga ki te awa o Waiotama a haere tonu i roto i te awa o Waiotama ki te puaretanga o te awa o Kaitarau ka haere tonu i roto i te awa o Kaitarau ki te puaretanga o te Waiohorua ka haere tonu i te Waiohorua ki tona kouru ka haere ki te taha i raro i te maunga Tangihua o Pukemapau o Horua ka marere ki te wai o Tauraroa a ka haere i roto i te wai o Tauraroa ki Papa-karangia ka heke i runga i te pito o Mahakitai ki te kauru Hira aute ki Tauoma ki te wahi i timata ai. Na kua riro mai i a matou nga pauna e waru rau nga toenga ia o taua Receipt for £800. moni i a Hone Whaiti te Kai whakamaori o nga Kai whakarite whenua i tenei ra koia matou ka tuku rawa i o matou i o matou wahi katoa o taua whenua kia te Kuini Wikitoria o Ingarani koia matou ka tuhituhi i o matou nei ingoa i tenei ra i te tekau ma tahi o nga ra o Tihema i te tau o to tatou Ariki kotahi mano e waru rau e rima tekau ma rima.