1855. 26 May.Whangarei District.He pukapuka tuku whenua tenei i tuhituhia ki Akarana i te rua tekau ma ono o nga ra o Mei i te tau o to tatou Ariki kotabi mano waru rau ma rima tekau ma rima (1855) ko te Ruarangi. tukunga tenei o te whenua nei e matou e nga rangatira me nga tangata ka oti nei te tuhituhi o ratou nei ingoa ki tenei pukapuka ko matou nei te hunga e whai mana ki te tuku i tenei whenua mo matou ake mo a matou wanaunga mo a matou huanga mo a matou tamariki amuri ake i a matou a ka tukua rawatia e matou tenei wahi o to matou whenua kia Receipt for £700. te Kuini Wikitoria o Engarangi ki nga Kingi Kuini ranei i muri i a ia ake tonu atu hei utu mo nga pauna E whitu rau kua riro mai nei ki roto i o matou nei ringaringa i a te Honiana (John Grant Johnson) tetahi o nga kai wakarite whenua mo te Kawana Boundaries. o Nui Tireni i tenei rangi kua oti te tuhituhi nei. Ko nga rohe enei kua oti te tuhituhi nei. Ka timata ki Nga Toka ki te hiku wai o te awa o Tauraroa ka haere i roto i te awa, Ruarangi, Kahutoki, Kiporo, Papakarangia, Whaingaru, Wharewhiti, Whai-toma, Wharekawhetu, Taiparea ka mahue te awa te Kauriwhakao ka whakataka ki Waiotira ka haere i roto i te wai o Waiotira Pakara te Wai a ka tika tonu ki Taka te Aria ka whiti te wai Te Ngaho o te Hauhau ka anga ki te marangai ka tutaki ki te rohe o Waipu ka haere i te rohe o Waipu ka tutaki ki te rohe o te kainga o Mate ki Nga Toka kua whakarerea rawatia kua tukua rawatia tenei to matou whenua kia te Kuini Wikitoria me ona awa, roto, wai maori, tarutaru, rakau, kowhatu, pari, aha noa iho me nga mea katoa ki runga ki raro o taua whenua koia matou ka tuhituhi i o matou nei ingoa i tenei ra i te 26 o Mei i te tau o to tatou Ariki 1855.