1856. 22 December.Bay of Islands District.Na ko tenei pukapuka tuku whenua i tuhia i tenei ra i te 22 o nga ra o Tihema i te tau o to tatou Ariki kotahi mano waru rau rima tekau ma ono 1856. He Pukapuka tino whakaae na matou na nga Rangatira na nga putake o te whenua kia tukua paitia tetahi Taraire No. 1. wahi o to matou oneone ki te Kuini o Ingarangi hei whenua oti atu mona mo nga pakeha ake tonu atu. Ko te ingoa nui o tenei whenua ko teTaraire.

Boundaries. Ko nga kaha o te whenua koia enei. Ka timata i te kaha ki te marangai i te manga wai o Katiaka i te kaha o te Kingi ka whawhati i te wai o Puakakaho ka haere i te hiwi koraha pa noa ki te wai o te Taraire ka haere i te wai o te Taraire ka haere tonu i roto o taua wai a ka ahu te hau Kotiu ka haere i roto o te wai o Whakapirau a pa noa ki te kaha o Paikimana (Spickman) ka ahu ki te Hauauru ki Tupare ka haere i te hiwi pa noa ki te Uhu ka marere iho ki te wai o te Poti ka ahu ki te tonga hauauru te wai o Pongaheka ka haere i te hiwi o te Tawapuku tae noa ki te wai nui o Kaeo ka ahu i te tonga marangai ka haere i te wai nui o Kaeo tuhono noa ki te kaha timatanga i Katiaka.

Burial grounds. Ko enei wahi tapu e rua ko nga takotoranga kautanga o nga tupapaku e kapea ki waho ko Orotere ko Tauaki.

Reserve. [270 acres.] Ko te pihi o Toro te Tana e kapea i tenei tukunga whenua ki waho ka timata i te wai o Okaihau ko te hiwi ki runga ko te wai nui o Kaeo ki raro pa noa ki wai Puakakaho e rua rau e whitu tekau eka 270.

A no te mea kua tino whakaae pu matou kia tino tukua tenei whenua ki te Kuini o Ingarangi no reira ka tukua mai e ia kia matou hei utu E toru rau o nga pauna moni Receipt for £300. (£300) na te Henare Kepa i homai ki o matou ringaringa na tetahi o nga Kai tuku whenua o te Kawanatanga o Nui Tireni a ko te tohu o to matou whakaaetanga o te rironga mai hoki o nga moni koia tenei ka oti nei o matou ingoa me o matou tohu te whakapiri ki tenei pukapuka i tenei ra i te 22 o nga ra o Tihema 1856.