Te Kerikeri Block, Bay of Islands District.
1865. 28 December.Bay of Islands District.Tenei Pukapuka i tuhituhia i tenei 28 o nga ra o Tihema i te
tau o to tatou Ariki 1865 he Pukapuka tino hoko tino hoatu tino tuku whakaoti
atu na matou na nga Rangatira Te Kerikeri. me nga Tangata o "Ngaterangi" no ratou nga ingoa e mau i raro nei a hei
whakaatu tenei Pukapuka mo matou mo o matou whanaunga me o matou uri mo te
tuhituhinga o o matou ingoa ki tenei pukapuka i raro i te ra e whiti nei kua
whakarerea rawatia kua tino tukuna rawatia. atu kia Wikitoria Kuini o Ingarani
ki ona uri ki nga Kingi ki nga Kuini o muri iho i a ia me ana me a ratou e
whakarite ai hei whakaritenga mo nga Pauna moni £130 - 0 - 0 kua utua mai ki a
matou e Te Henare Kepa mo te Kuini (a e whakaaetia nei e matou te rironga mai o
aua moni) ko taua wahi whenua katoa kei roto o Te KeriKeri ko Pewhairangi te
ingoa o taua wahi whenua ko nga rohe kei raro i te Pukapuka nei e mau ana te
korero whakahaere ko te mapi hoki o taua whenua kua apititia ki tenei. Me ona
rakau me ona kowhatu me ona wai me ona awa nui me ona roto me ona awa ririki me
nga mea katoa o taua whenua o runga ranei o raro ranei i te mata o taua whenua
me o matou tikanga me o matou take me o matou paanga katoatanga ki taua wahi;
Kia mau tonu kia Kuini Wikitoria ki ona uri ki ana ranei e whakarite ai hei tino
mau tonu ake tonu atu. A hei tohu mo to matou whakaaetanga ki nga tikanga katoa
o tenei Pukapuka kua tuhituhia nei o matou ingoa me o matou tohu. A hei tohu
hold mo te whakaaetanga o te Kuini o Ingarani mo tana wahi ki nga tikanga katoa
o tenei Pukapuka kua tuhia nei te ingoa o Te Henare Kepa Kaiwhakarite Boundaries. Whenua. Ko nga rohe enei o taua whenua ko nga pihi anei—Ko Pukewhau me
ona kaha i roto o te Mapi 468 eka—tona utu £90.—Ko Hikiwai me ona kaha i roto o
te Mapi 45 eka—tona utu e £20—Ko te Wahi Tapu o Tango i ko mai o Te Hikuwai e 4¼
eka £10. me te Wahi Tapu i roto o ta te Irimana i tukua ki te Kawanatanga
£10.—Ko anei whenua kei roto o te pihi o te taha Kawanatanga a, kua oti te ruri
e matou i mua ake o te hokonga, a, ka oti atu nei ki te taha Kawanatanga, ake
ake.
Receipt for £130. Kua riro mai ki a matou i tenei ra i te 28 o nga ra o Tihema i te tau o
to tatou Ariki Kotahi mano e waru rau ono tekau ma rima (1865) nga Pauna moni
Kotahi Rau e toru tekau (£.130 . 0 . 0.) Ko te utu tenei kua whakahuatia ki te
Pukapuka tuku e mau i runga ake nei kia utua mai ki a matou e Te Henare Kepa mo
te Kuini.
na tango hikuwhai.
nari pia tauari.
na para one ware.
na
paki Kauteawha.
Komene Uia.
na te teira Whaitau.
na te rahui.
H. T. Kemp,
D.C.
Nga Kai-titiro—
Wiremu Kaire, Kaiwhakawa.
Tamati ngere.