Tenei Pukapuka i tuhituhia i tenei 25th o nga ra o Hanuere i te tau o to tatou 1861. 25 Januaray.Bay of Islands District. Ariki 1861 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o "Te Rarawa" no ratou nga ingoa e mau i raro nei a Kokohuia. hei whakaatu tenei Pukapuka mo matou mo o matou whanaunga me o matou uri mo te page 62tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni E Rima Tekau (£50) kua utua mai ki a matou e Te Henare Kepa mo te Kuini (a e whakaaetia nei e matou te rironga mai o aua moni) ko taua wahi whenua katoa kei Ahipara ko "Kokohuia" te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Henare Kepa Kaiwhakarite Whenua. Boundaries. Ko nga rohe enei o taua whenua ka timata i te taha ki te Hauauru, i te raina o te hokonga tawhito o te pihi ki Ahipara, ka rere i te taha ki te Hauraro he whenua no Nga Maori, mei reira, ka whawhati, ka rere, nga Wapu kaninga Rakau,—a—te Wahi tapu,— ka haere, ka rere, marere noa ki te wai,—a—tuhono noa ki te kaha o te taha ki te Hauauru—Otira, kei te Mapi o te Ruritanga te tino tikanga.

Receipt for £50. Kua riro mai ki a matou i tenei ra i te 25 o Hanuere i te tau o to Tatou Ariki Kotahi mano e waru rau e ono tekau ma tahi (1861) nga Pauna moni E Rima tekau (£50 . 0 . 0) Ko te utu tenei kua whakahuatia ki te Pukapuka tuku e mau i runga ake nei kia utua mai ki a matou e Te Henare Kepa mo te Kuini.