1860. 20 March.Bay of Islands District.Tenei Pukapuka i tuhituhia i tenei ra i te 20 o nga ra o te marama o Maehe i te tau o to tatou Ariki 1860 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Nga Tirangi no ratou nga ingoa e mau i raro nei a hei Hikuwai. whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi page 61ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni E Toru tekau ma rima kua utua mai ki a matou e Te Henare Kepa mo te Kuini (a e whakaaetia nei e matou te rironga mai o aua moni) ko tuna wahi whenua katoa kei Te Te Keri Keri ko "Te Hikuwai" te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o tana whenua o runga ranei o raro ranei i te mata o tana whenua me o matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Henare Kepa Kaiwhakarite Whenua. Ko nga rohe enei o taua whenua ka timata i Te Rere i te taha o te awa o Te Keri Keri, Boundaries. mai i reira, ka anga te Hauauru, ka rere haere i runga i te kaha a Te Hapa, pa noa ki te wai o "Rangitane," ka rere ka anga ki runga, ka haere, tae noa ki te Koki, ka whawhati ka rere i runga i te raina o te Ruri, a "Te Tiki," ka rere tonu, marere noa ki te awa o Te Keri Keri, tuhono noa ki te Rere, ki te timatanga o te kaha.

Kua riro mai ki a matou i tenei ra i te 20 o nga ra o Maehe i te tau o to Tatou Receipt for £35. Ariki Kotahi mano e waru rau e ono tekau (1860) nga Pauna moni E Toru tekau ma rima (£35 .0 . 0) Ko te utu tenei kua whakahuatia ki te Pukapuka tuku e mau i runga ake nei kia utua mai ki a matou e Te Henare Kepa mo te Kuini.