1874. 8 March.Bay of Plenty District.Tenei Pukapuka i tuhituhia i tenei waru o nga ra o Maehe i te tau o to tatou Ariki 1874 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Tuwharetoa no ratou nga ingoa e mau i raro nei a Parish MatataAllot. 23, No. 1. hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni e rua rau rima tekau ma rua kua utua mai ki a matou e Charles Receipt for £252. Oliver Bond Davis and Henry Walker Mitchell mo te Kuini (a e whakaaetia nei e matou te rironga mai o aua moni) ko taua wahi whenua katoa kei te takiwa o Matata ko Piihi ruri nama 23 Parihi o Matata te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki p taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi. Kia mau tonu Ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga mo te Kuini o Ingarani mo tana wahi ki nga tikanga katoa o tenei Pukapuka kua Boundaries. [2,396 acres.] tuhia nei nga ingoa o Charles Oliver Bond Davis and Henry Walker Mitchell ko nga rohe enei o taua whenua ka timata i te pito o te Hauauru ma tonga o taua whenua nama rua tekau ma toru i te mapi o te Kawanatanga i te takiwa o Matata, haere atu i kona i runga i te raina e ahu ana ki te tuaraki 16° 5? ki te marangai e waru mano e ono rau e toru te rau ringiki ko tetahi wahi a ia o te whenua i tukua ki a Ngatipikiao, haere i reira i runga i te raina ki te Tonga 73° 55? ki te marangai e toru tekau ma tahi mano me nga ringiki e rua tekau ma whitu (ara 3740 ringiki te whenua i tukua ki a Ngatiteaorere 3840 ringiki te whenua i tukua ki a Ngatikereru 3970 ringiki te whenua i tukua ki a Ngatiouenukukopako 915 ringiki te whenua i tukua ki a Tuhourangi 107 ringiki haere i te huarahi 10220 ringiki te whenua i tukua ki a Ngatiwhakaaue) haere atu ki te awa o Tarawera haere i roto o taua awa ki te pito o te marangai ma tonga o taua whenua haere atu i reira i runga i te raina o te tuaraki 73° 55?, ki te Hauauru e toru tekau ma tahi mano e rima rau e toru tekau ma waru ringiki (ara 9950 ringiki te wahi i tukua ki a Ngatiraukawa 118 ringiki te huarahi 21470 ringiki te wahi i tukua ki a Ngatiraukawa ano) ki te pito o te hauauru ma tonga o taua whenua ungutu noa ki te timatanga kua oti te whakaahua ki te wai whero i runga i te mapi e mau nei i te tapa o tenei pukapuka ko nga oka o roto e rua mano o toru rau e iwa tekau ma ono he nui ke ake ranei he iti iho ranei.