Tenei Pukapuka i tuhituhia i tenei tekau o nga ra o Akuhata i te tau o to tatou Ariki 1866. 10 August.Bay of Plenty District. 1866 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngatihura, o Ngatipaoa no ratou nga ingoa e mau i raro nei Te Puna and Katikati No. 1. a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whaka-rerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingr ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni Kotahi rau (£100) kua utua mai ki a matou e Tiemi Make mo te Kuini (a e whakaaetia nei e matou te rironga mai o aua moni) ko taua wahi whenua katoa kei te takiwa ki Tauranga ko te Puna, ko Katikati nga ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa ko tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Tiemi Make Kaiwhakarite Whenua. Ko nga rohe enei o taua whenua ka timata i Boundaries. Ngakuriawhare, ka rere Waingaere, ka rere Oteotahi ka rere te Whare-o-tumapere ka rere te Onepu, ka rere Waimata, ka rere Ngapuketurua, ka rere te Whakahakahaka-orangihau, ka rere te Onewhero, ka rere Huruhuru, ka rere Pukekauri, ka rere Manga-hokio, ka rere Kakarikikaitahi (ara ki te Aroha-auta), ka rere ki te tonga Pukekohatu, ka rere Ngatukitukiahikawera ka rere Pukewhakataratara, ka rere te Tuahu, ka rere Motutapere, ka rere Mangakahika, ka rere Ngatamahinerua, ka rere Hanga, ka rere te Rekereke-o-kautere, ka rere Mangakaiwhiria, katahi ka whati mai whaka te moana, te Umukorongaehe, ka rere te Ranga, ka rere Pukemanuka, ka rere te Puna, katahi ka haere i te tahataha moana a—Ngakuriawhare te rohe o te timatanga.