Tenei Pukapuka i tuhituhia i tenei toru o nga ra o Pepuere i te tau o to tatou Ariki 1875. 3 February Bay of Plenty District. 1875 he Pukapukai tino hoko tino hoatu tino tuku whakaoti atu na matou na nga Rangatira me nga Tangata o Ngatimanawa no ratou nga ingoa e mau i raro nei a hei whakaatu Parawai. tenei Pukapuka mo matou mo o matou whanaunga me e matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni E rua rau e rua tekau ma rima kua utua mai kia matou e Henare Mitere mo te Kuini (a e whakaaetia nei e matou te rironga mai o aua moni) ko taua wahi whenuakatoa kei Te Awa o te Atua ko Parawai te ingoa o taua wahi whenua, ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Charles Oliver Bond Davis and Henry Mitchell Kaiwhakarite Whenua. Ko nga rohe enei o taua whenua ka timata Boundaires.[1,725 acres.] i te koki ki te tuaraki, ka timata te rohe kei reira ki te piihi nama rua tekau ma whitu kotahi rau e wha tekau ma whitu tini e ono tekau riniki e wha mano tekau ma ono riniki ka whakawhiti ki te rori kotahi rau ma waru riniki ka haere ma te taha o taua piihi ra ano e iwa mano e toru rau e ono tekau riniki ka haere whaka te rawhiti ma Tarawera Awa ka haere whaka te tonga ma te rori kotahi rau riniki te wanui kotahi mano te toru rau e rua tekau riniki kotahi mano e toru rau e whitu tekau ma tahi riniki e whitu rau e wha tekau ma rua riniki, e iwa rau e ono tekau ma rima riniki, e toru rau e waru tekau riniki, kotahi mano e whitu rau ma whitu riniki, e waru rau e wha tekau ma rima riniki, kotahi mano e whitu rau e ono tekau ma tahi riniki, ka whiti i te rori kotahi rau ma iwa riniki ka haere whaka te tonga pu marangai ma tetahi rori pena ano te raununui e whitu rau e wha tekau ma ono riniki, e rua mano e whitu rau tekau ma whitu riniki, e toru rau e rua tekau ma tahi riniki, ka haere ki te taha tonga pu marangai ki te piihi nama toru tekau, kotahi rau e ono tekau tini ka ahu atu ki to Hauhauru ma tonga ma te piihi nama rua tekau ma waru e waru mano e page 676whitu rau e wha tekau ma iwa riniki puta noa tetahi rori i te taha ki te raro tae noa ki te tonga—ma te Kawana i runga i tona hiahia e whakarite tetahi wahi o taua piihi he rori, ko taua whenua ko Parawai kei roto i te parihi o Matata, i te kauti o Rotorua, ko te nama o taua piihi kotahi tekau ma waru ko nga eka kei roto kotahi mano e whitu rau e rua tekau ma rima.