Kia mohio ra nga tangata katoa ki enei Pukapuka no tenei ra no te toru tekau 30 o 1857. 30 July.Mokau District. nga ra o Hurae i te tau o to tatou Ariki kotahi mano e waru rau e rima tekau ma whitu 1857 Ko matou ko nga Rangatira Maori me nga Tangata Maori hoki o Nui Tireni e Rauroa. mau nei nga ingoa i raro nei hei Whakaritenga mo nga Pauna Moni e wha rau £400 takitahi kua utua mai ki a matou e te Rokena (John Rogan Esquire) mo te Kuini Wikitoria (a e whakaaetia nei e matou te rironga mai o aua moni) ko matou katoa ko ia Tangata ko ia Tangata a ko tenei Pukapuka te whakaaetanga ka Hoko nei ka Tuku nei ka Hoatu nei ki a Kuini Wikitoria ki ona Uri ki nga Kingi Kuini ranei o muri iho i a ia me ana e hoatu ai taua Wahi Whenua katoa ko Rauroa.

Ka timata te rohe ki Rauroa ka rere ki Parekohatu kei Herangi ka ahu whakauta Boundaries. ki te mutunga mai o te ruri o Herangi te Kai ruri whenua ka haere i roto o te wai o Awakino ka tae ki te Ti ka puta ki Kiwihua ka rere tonu i roto o taua wai o Awakino ka tae ki Rauroa ka tutuki nga Rohe i reira. Me nga Tikanga katoa me nga Mea katoa o taua Whenua me te Tikanga me te Putake me te Panga me te Wahi me te Tononga o matou katoa o matou takitahi ranei e mau ake nei ki taua whenua—a hei mau tonu taua whenua me ona mea katoa ki a te Kuini me ana e hoatu ai mo ake tonu atu. A hei Tohu mo tenei Tukunga kua tuhia nei o matou Ingoa.