1854. 5 May.Whaingaroa District.Tenei pukapuka tuku whenua e tuhituhia nei i tenei ra i te rima (5) o nga ra o Mei i te tau o to tatou Ariki kotahi mano e waru rau e rima tekau ma wha (1854) He pukapuka tino wakaae pono na matou na nga rangatira me nga tangata o Ngatemahanga Tureakina. o Waikato hoki kia tino tukua rawatia tetahi o to matou kainga ki a Wikitoria te Kuini o Ingarini ki nga Kingi Kuini ranei o muri iho i a ia ake tonu atu.

Boundaries. Nga rohe o te whenua ka timata ki Tureakina ka haere ki Puketutu ka haere ki Hotumatapu haere tonu Mataikapua ka tutuki ki te rohe tuatahi ki Tutaenui ka waiho i runga i te rohe kua oti te hoko puta noa ki Kaikai ka tae ki reira ka rere ki uta ki te taha ki Waipa puta noa ki te whare o Huaratahi ka tae ki reira ka rere te rohe ki Parewhauwhau tae noa ki te Mania haere ki Mangakino puta noa ki Tureakina ka tutaki nga rohe ki reira.

Receipt for £100, first instalment. Ko nga utu kua riro mai ki a matou i tenei ra i te rima 5 o nga ra o Mei 1854 mo tenei wahi kotahi te rau takitahi (£100) ko te otinga atu tenei o tenei whenua ki a te Kuini ake tonu atu ko nga utu e toe ake mo taua whenua me whakatumau ana oti taua whenua te ruri te titiro e nga kai ruri whenua. A mo ta matou whakaaetanga ka tuhia iho o matou ingoa me o matou tohu.