1851. 22 March.Whaingaroa District.Ko te tuhituhinga o tenei pukapuka i te ra e rua tekau ma rua o Maehe kotahi mano e waru rau e rima tekau ma tahi te whakaaetanga a nga Rangatira o Ngatimahanga o Nga te Hourua te whakaaetanga ano hoki o te Kuini o Ingarani mona, na ko Wiremu Nero ko Whaincaroa. te Waka ko Hetaraka ko Hemi Noa ko te Wapa nga tangata i te kainga e tuhituhia nei ki tenei pukapuka, na ka whakaae nei ratou ko o ratou hapu katoa ki te hoko i tenei whenua ki a Kuini Victoria ka toru nga utu mo Price £400 tenei whenua ko te tuatahi e rua rau pauna ko te tuarua kotahi rau pauna ko te tuatoru kotahi rau pauna ko enei moni ka hoatu nei ki Wiremu Nero ma, nokonei ka hoatu nei, ka tuku atu nei ki a Victoria te Kuini o Ingarani, ki te Kingi, Kuini ranei o muri i a ia ake, ake, ake, i taua whenua me nga aha noa iho, aha noa iho o Boundaries. tenei kainga, ko ona-rohe koia enei ka timata ki Putohitohi a ki ritenga o te tai tutuki a tae noa ki te tauranga haere i roto i Opotoru tae noa ki te Hutiwai tika tonu ki te page 597raina tika a tae noa ki Matahahaia ko te maka kei reira he rua kua keria ki te taha o te ara ki Aotea. Na ka haere i reira te Omaki Paraoa nui Kohukohu Ngaurukehu Pokohuka tae noa ki te Hue, na ka timata i reira haere tonu i te tahatika o Waitetuna i te taha ki te hauhauru a puta atu ki te tahatika o te Waitai, a piko, a piko, a tae noa ki Putohitohi. Na ko te Mata ko Takapaunui ko Ohiapopoko ko te Uka ka waiho tonu hei kainga mo nga tangata i te whenua. Ko nga rohe o enei kainga kua tohutohungia e nga tangata i nga kainga kua tuhituhia te ahua o te oneone ki tua nei. Tirohia.