1874. 16 July.Whainaroa District.Tenei Tiiti he mea hanga i te tekau ma ono o nga ra o Hurae Kotahi mano waru rau whitu tekau ma wha na Wiremu Patene ratou ko Tamati Kapua ko Epapara te Whao ko Huirama Ruitoto ko te Wi Kingi, ko Ihimaera Mohi te Rongomau, ko Erueti te Ngatitamainu. Hou tangata Maori o Niu Tireni e karangatia nei i te roango o tenei pukapuka ko nga Mortgage. Moteto (kai nama moni i runga i te whenua) i tetahi taha me Huriaha Pokuru kai tiaki moni o te Kordni o Niu Tireni e karangatia nei i te roang o tenei pukapuka ko te Moketii (te kai tuku moni) i tetahi taha No te mea kei aua Moketonga whenua me nga papatupu kua oti nei te korero i raro he kai tiaki i a ratou mo te hapu o Ngatitamainu he Maori no Niu Tireni A no te mea e hiahia ana taua iwi ki te moni ma ratou kia Toro Rau Rima Tekau Pauna a kua tono ki te Kawanatanga o Niu Tireni kia whakaputatna aua moni a kua wnakaae taua Moketii ki te tuku i ana moni i runga i nga ritenga kua oti te tunituhi i raro, koia ka whakaatu tenei Tiiti i te whakaaetanga o aua Moketo i runga i nga moni E toru Rau e rima tekau Pauna he mea homai e te Moketii i roto i nga moni o te Kawanatanga nui o Niu Tireni (ko te rironga mai tenei o aua moni ki Receipt for £350. nga Moketo i tuhia ai o ratou nei ingoa ki te tuku takitahi ki te tuku huihui hoki ki taua Huriaha Pokuru i a ia e tu ana ko te kai tiaki moni o Niu Tireni ki nga tangata ka tu hei tiaki moni i muri i a ia ki tana e pai ai ki nge ratou ranei e pai ai katoa tena piihi whenua i Niu Tireni kotahi tekau ma rima mano e wha tekau ma whitu eka i roto nui Boundaries. [15,047 acres.] ake iti iho ranei e rohengia nei i te taha hauauru o Niu Tireni ki nga awa o Whaingaroa o Waitetuna hoti puta atu ana i tetahi taha ki te awa o Waipa kua oti nei taua Less Native Reserves. [1,151a. 2r. Op.] whenua te mapi i te taha o tenei Tiiti he mea raina a waho ki te raina whero, he mea page 616tuhi hoki ki te ingoa o Ngatitamainu (whakarere atu ia nga piihi e rua kei te awa o Waitetuna he mea raina ki te raina kakariki e rua rau e iwa tekau ma rima eka o tetahi, Ngutukoiro kotahi rau e iwa tekau ma toru eka e rua ruutu o tetahi ko Wairata me nga piihi e toru kei te awao Waipa Ngatitehuaki e rima rau e toru tekau ma waru eka te piihi mo te kura e rua tekau ma rima eka te piihi mo te Mira kotahi rau eka kua oti nei aua piihi te mapi i te taha o tenei Tiiti) hui katoa ki nga mana me nga ritenga katoa o taua whenua Engari kua mohio tuturu nga tangata o tenei Tiiti o tetahi taha, o tetahi taha me te whakaae ano hoki a tetahi a tetahi ehara tenei i te tuku hoko engari he tuku Moketi, he mea kia hoki atu ai aua Toru Rau rima tekau pauna a tetahi o nga ra o Hurae kotahi mano waru rau whitu tekau ma whitu hui katoa ki nga hua o roto o aua moni e rima pauna mo te rau kotahi i te tau kotahi, tae atu ana ki te ra e whakahokia e ia te Toru Rau te rima tekau me tataki ono marama te putanga o aua hua te ra e whakaputaina ai nga hua tuatahi ko te tahi o nga ra o Oketopa e haere ake nei. Nei ki te kore e puta taua Toru Rau rima tekau hui katoa ki nga hua o roto, a te tahi o nga ra o Hurae Kotahi mano waru rau whitu tekau ma whitu, ka tika kia hokona taua whenua e te Mokitii e tana ranei e pai ai i runga i te ture kua oti te whakatakoto ara nama tekau ma iwa o te Ture whakarite Tiiti whenua nama tekau o te rua o nga nohoanga o te runanga: ahakoa kahore ano i pau nga toru marama nga toru marama ahakoa kahore ano he kupu whakamohio tono ranei kia tae atu ki nga Moketo, ka tika kia hokona te whenua A he whakaaetanga tenei na nga Moketo mo ratou takitahi mo nge a ratou uri ranei mo a ratou ranei e pai ai he kai whakakapi mo ratou, he whakaaetanga ki taua Moketii ki ana ranei e pai ai he kai whakakapi mona kia kaua ratou nga Moketo e hoko a reti e tuku pehea atu ranei i tenei whenua (kua tukua nei hei taunga mo aua moni) ki tetahi atu tangata engari ki te Kawanatanga o Niu Tireni anake a kia kaua hoki ratau e kiki ki te hoko reti aha aha i taua whenua i tetahi taha ranei o taua whenua me kore te whakaae mea tuhituhi a te Mokitii a tana ranei e pai ai he kai whakakapi mona i roto i te moketetanga o tenei whenua kua oti nei te tuku. He Whakaaetanga ki enei kupu katoa i tuhia ai nga ingoa o enei tangata.