1858. 15 June.Whaingaroa District.Tenei Pukapuka i tuhituhia i tenei te tekau ma rima (15) o nga ra o Hune i te tau o to tatou Ariki 1858 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngatimahanga no ratou nga ingoa e mau i raro nei Part of Mata Reserve. a hai whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni Kotahi rau takitahi (£100) kua utua mai ki a matou page 613e te Rokena mo te Kuini (a e whakaaetia nei e matou te rironga mai o ana moni) ko taua wahi whenua katoa kei Whaingaroa Raglan ko Te Mata te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o tana whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o te Rokena, John Rogan Kaiwhakarite Whenua. Ko nga rohe enei o taua whenua ka timata ki Boundaries. raro iti o te rere ki Opotoru kua oti nei te maka e nga kai ruri a ka haere tonu i runga o te ruri o te Rokena ka whiti te huarahi ki Aotea ka haere tonu ki te mutunga o taua ruri ka tae ki Paraoa, ka ahu whaka te tonga ka tae ki te korunui ka rere tonu ki te tutukinga o nga rohe o Ruapuke raua ko Karioi, ka haere whaka te hauraro i runga o te rohe tawhito (Karioi) ka tae ki raro iti o te rere ki Opotoru ka tutaki nga rohe i reira.