1857. 20 August.Whaingaroa District.Kia mohio ra Nga Tangata katoa ki enei Pukapuka no tenei Ra no te rua tekau (20) o nga Ra o Akuhata i te Tau o to tatou Ariki kotahi mano e waru rau e rima tekau ma Part of Te Mata Block. whitu 1857 Ko Matou ko nga Rangatira Maori me nga Tangata Maori hoki o Nui Tireni e mau nei nga Ingoa i raro nei hei Whakaritenga mo nga Pauna Moni rua tekau (£20) takitahi kua Utua mai ki a Matou e te Rokena mo te Kuini Wikitoria (a e Whakaaetia nei e Matou te Rironga mai o aua Moni) Ko Matou katoa ko ia Tangata ko ia Tangata a ko tenei Pukapuka te Whakaaetanga ka Hoko nei ka Tuku nei ka Hoatu nei ki a Kuini Wikitoria ki ona Uri ki nga Kingi Kuini ranei o muri iho i a ia me ana e Hoatu ai Boundaries. Taua Wahi Whenua katoa ko te Mata ka timata te rohe o te whenua ki raro iti o te rere ki Opoturu kua oti nei te maka e nga Kai ruri ka haere i te ruri o te Rokena ka whiti te huarahi ki Aotea, ka haere tonu ki te mutunga o taua ruri ka tae ki Paraoa ka haere tonu i te puke o Paraoa ka tae ki te ritenga o Pokawaenga ka rero tonu ki Pokawaenga ka tae ki Opotoru ka haere whakarunga o Opotoru tutuki atu ki te ruri o te Rokena Me nga Tikanga katoa me nga Mea katoa o taua Whenua me te Tikanga me te Putake me te Panga me te Wahi me te Tononga o Matou katoa o Matou takitahi ranei e mau ake nei ki taua Whenua. A hei mau tonu taua Whenua me ona Mea katoa ki a te Kuini page 607me ana e Hoatu ai mo ake tonu atu. A hei Tohu mo tenei Tukunga kua tuhia nei o Matou Ingoa.