Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume One

Church Mission Station at Otawhao, Te Awamutu, Waipa District

Church Mission Station at Otawhao, Te Awamutu, Waipa District.

1850. 26 March.Waipa District.I tuhituhia tenei pukapuka i te 26—o nga ra o Maehe, i te tau 1850, o to tatou Ariki a Ihu Karaiti.
Church Mission Station, Otawhao. Kia mohio nga tangata katoa ki to matou wakaaetanga ki te tuku atu i to matou whenua ki Otawhao ki a Kuini Wikitoria tuku iho ki ona uri ake ake ake hei utu tetahi wahi mo nga taonga o Te Hahi Mihinare Komiti o Ranana (Church Missionary Society of London) i homai e te Mokena (Revd. John Morgan) ki a matou koia enei nga hanga i homai ai:
  • Receipt for money, &c. (2) e rua nga kau katua
  • (2) e rua nga kau kuao
  • (2) e rua nga hipi
  • (1) kotahi hoiho uwha
  • (£5 . 0 . 0.) e rima pauna moni.
he aroha hoki tetahi wahi i tukua noatia ai e matou te pito o te whenua nei ki te taha ki te hauauru.
Boundaries.Ko nga rohe enei o te wahi i tukuna atu e matou. Ka timata ki te ngutuawa o Taruna tika atu ikona ki te pukatea maroke kotahi e tu i waenga repo ka whawhe i reira waka-te-tuauru tae mai ki te pou i wakaturia ka peka ano ikona tae atu ki Poho-tiraha ka ahu ikona ki te hauauru-pupuwai ka tae ki tetahi pito o Poho tiraha katahi ka maro tonu ki te hauauru ka eke ki te tihi o Te Tapui marere atu ikona ka tae ki te ngutu o te pa Otawhao ka peau i reira i te taha o te repo ki te hauraro eke noa ki te tihi o Tapuawaka roro ka whawhe ano i reira ka ahu ki to rawhiti tae noa ki Rua tiutiu ka peka ikona ki te hauraro tae mai ki Okawa marere tonu atu ikona ki te awa ki Manga-piko haere tonu i taua awa te rohe puta atu ki Manga-o-hoi maro tonu i taua awa ka tae ki te Awamutu a haere tonu i roto o Manga-o-hoi tae noa atu ki te kongutuawa o Taruna.

I tohutohungia enei rohe e matou ki a Te Raika te kai ruri whenua a Te Kuini (C. W. Ligar Esqre. Surveyor-General) ruritia ana e ia tuhituhia ana ki te pukapuka.

Ka maka matou i o malou nei ingoa ki raro ki te pukapuka nei hei tohu mo to matou tukunga atu i tenei wahi whenua ki a Kuini Wikitoria tuku iho ki ona uri ake ake ake.

Na te Katea.
Na Haunui tenei x tohu.
Riwai te Mokorou x.
Na te Reweti Waikato.

I kite matou i te tuhi tuhinga o nga tangata nei i o ratou nei ingoa—

Nathl. Whale.
Na te Powhitu.
Na te Hira Taketaura.