Kia mohio nga tangata katoa ki enei Pukapuka no tenei ra no te rua tekau ma toru o 1857. 23 July.Waikato District. Hurae (23rd July) i te tau o to tatou Ariki kotahi mano e waru rau e rima tekau ma whitu 1857 Ko matou ko nga Rangatira Maori me nga Tangata Maori hoki o Nui Tireni Kakaramea. e mau nei nga ingoa i raro nei hei whakaritenga mo nga pauna moni E rua rau kotahi tekau (£210) E rua rau o nga pauna moni kua utua mai ki a matou e Herangi (William N. Searancke) mo te Kuini Wikitoria (a e whakaaetia nei e matou te rironga mai o aua moni) ko matou katoa ko ia tangata ko ia tangata a ko tenei pukapuka te whakaaetanga ka hoko nei ka tuku nei ka hoatu nei ki a Kuini Wikitoria ki ona Uri ki nga Kingi Kuini ranei o muri iho i a ia me ana e hoatu ai taua wahi whehua katoa He apitanga tenei ki te whenua ko Ramarama te ingoa.

Ka timata te rohe ki Pukewhau haere tonu ki te Matoa haere tonu i te ara ruri ki Boundaries. te Rotokoko ki Pari-o-te-ari ka puta ki te Rori o nga Pakeha ki Mangatawhiri haere tonu i taua Rori (otira kia rua tekau ma rua hikoinga waewae i te taha o taua Rori ka whakaae atu matou) ki Waikorowhiti ka heke Kakaramea ka haere Rawhitiroa te Putanga tenei ki te ruri o te Omipi (Mr. Ormsby) haere tonu i tona ruritanga ki Tani te Whiora ki Mangatawhiri Me nga tikanga katoa me nga mea katoa o taua whenua me te tikanga me te putake me te panga me te wahi me te tononga o matou katoa o matou takitahi ranei e mau ake nei ki taua whenua A hei mau tonu taua whenua me ona mea katoa ki a te Kuini me ana e hoatu ai mo ake tonu atu. A hei tohu mo tenei tukunga kua tuhia nei o matou ingoa.