Waitoa Block, Piako District.
1872. 28 November.Piako District.Tenei Pukapuka i tuhituhia i tenei Rua tekau ma waru o nga ra
o Nowema i te tau o to tatou Ariki 1872 he Pukapuka tino hoko tino hoatu tino
tuku, whakaoti atu na.matou na
Waitoa. nga Rangatira me nga Tangata o Taupo Ngatipaoa no ratou nga ingoa e mau
i raro nei a hei whakaatu tenei Pukapuka mo matou mo o matou whanaunga me o
matou uri mo te tuhituhinga o o matou ingoa ki tenei pukapuka i raro i te ra e
whiti nei kua whakarerea rawatia kua tino tukuna rawatia atu ki a Wikitoria
Kuini o Ingarani ki ona uri ki nga Kingi ki nga Kuini o muri iho i a ia me ana
me a ratou e whakarite ai hei whakaritenga mo nga Pauna moni whitu rau e rima
tekau kua utua mai ki a matou e
Boundaries. Te Paki (
E. W. Puckey) mo
te Kuini (a e whakaaetia nei e matou te rironga mai o aua moni) ko taua wahi
whenua katoa kei Waitoa ko Waitoa te ingoa o taua wahi whenua ko nga rohe kei
raro i te Pukapuka nei e mau ana te korero whakahaere ko te mapi hoki o taua
whenua kua apititia ki tenei. Me ona rakau me ona kowhatu me ona wai me ona
awanui me ona roto me ona awa ririki me nga mea katoa o taua whenua o runga
ranei o raro ranei i te mata o taua whenua me o matou tikanga me o matou take me
o matou paanga katoatanga ki taua wahi; Kia mau tonu ki a Kuini Wikitoria ki ona
uri ki ana ranei e whakarite ai hei tino mau tonu ake tonu atu. A hei tohu mo to
matou whakaaetanga ki nga tikanga katoa o tenei Pukupuka kua tuhituhia nei o
matou ingoa me o matou tohu A hei tohu hoki mo te whakaaetanga o te Kuini o
Ingarani mo tana wahi ki nga tikanga katoa o tenei Pukapuka kua tuhia nei te
ingoa o Te Paki (
E. W. Puckey)
Kaiwhakarite Whenua. Ko nga rohe enei o taua whenua ka timata i Otamaka ka haere
i roto o Waitoa whakarunga a Mangapuketea hei reira ka piki ki uta ka maro atu a
Te Titoki kei reira ka whati ki te marangai ka haere i waenganui o Pukekaraka me
Maungawawa ka puta ki Waewaeraewhero ka haere ki Te Tonga o Maungawawa ka whati
ki te Hauauru maro tonu a
T Ruahine ka marere iho ki te awa ki Waitoa ka haere i
roto o taua awa a Whakakapua ka tae ki Owhaene ka haere i roto o Owhaene a
Whitikitiki ka haere ki te Marangai Whakapukepuke ka whati whakararo ki
Waikokeri ka ahu ki te Marangai a te Waipuna ka tutaki ki Putauhinu ka ahu
whakararo mai ano a Maungapukatea ka whati i Hangikaraka ka puta ano ki Owhaene
ka haere i roto o taua awa a Otamaka Ko nga pihi ka rere ki waho ko Otamaka me
te Karaka me Kakaramai.
Receipt for £750. Kua riro mai ki a matou i tenei ra i te Rua tekau ma waru o nga ra o
Nowema i te tau o to tatou Ariki Kotahi mano e waru rau whitu tekau ma rua
(1872) nga Pauna moni Whitu rau e rima tekau (£750 . 0 . 0) Ko te utu tenei kua
whakahuatia ki te Pukapuka tuku e mau i runga ake nei kia utua mai ki a matou e
Edward Walter Puckey mo te Kuini.
Haora Tipa. Ne pi a to kere.
Matiu Patara.
Hira te Rumanui.
Wa ta ha nga ta.
Winikerei
te Whetuiti.
Wata Tipa.
Hauauru tipa.
rakena kawa.
Hori
More.
Na Meha te Moananui.
Rihia te kauae.
Nga Kai-titiro—
Edwd. Hy. Power, Licd. Nat. Interpreter, Thames.
W. H. Taipari,
Hauraki.