Tenei Pukapuka i tuhituhia i tenei rua tekau ma iwa o nga ra o Nowema i te tau o to 1872. 29 NovemberPiako District. tatou Ariki 1872 he Pukapuka tino hoko tino hoatu tino tuku whakaoti atu na matou na nga Rangitira me nga Tangata o Ngatipaoa no ratou nga ingoa e mau i raro nei a Te Hotu. hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni kotahi tekau ma toru kua utua mai ki a matou e Te Paki E. W. Puckey mo te Kuini (a e whakaaetia nei e matou te rironga mai o aua moni) ko taua wahi whenua katoa kei Piako ko Te Hotu te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona a wa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoa tanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Paki (E. W. Puckey) Kaiwhakarite Whenua. Ko nga rohe enei o taua whenua ka timata i Nihokeke i te Boundaries. awa o Piako ka whakataka atu ki te awa o Waitoa kei Te Parahia te putanga ka haere mai i roto o Waitoa Te Pukatea ka haere a tae noa ki te putahitanga o nga awa o Waitoa me Piako ka haere i roto i te awa o Piako a tae noa ki Nihokeke ki te timatanga o te rohe.