1857 24 NovemberThames District.Tenei Pukapuka tuku Whenua e tuhituhia nei i tenei ra i te rua tekau ma wha 24th o nga ra o Nowema i te tau o to tatou Ariki kotahi mano e waru rau e rima tekau Aotungaio. ma witu 1857. He pukapuka tino tuku tino hoko tino hoatu na matou na nga Rangatira me nga tangata e mau nei nga ingoa ki raro iho nei hei whakaritenga mo nga pauna Receipt for £150. moni kotahi rau e rima tekau takitahi £150, kua utua mai ki a matou e te Makarini mo te Kuini Wikitoria (a e whakaaetia nei e matou te rironga mai o aua moni) taua pihi whenua katoa o matou e takoto nei ki Waiho ki a Kuini Wikitoria ki ono uri ki nga Kingi me nga Kuini ranei o muri iho i a ia me ana e hoatu ai—ara taua whenua e Boundaries. timata nei nga rohe ki te Totara ka haere i roto o taua awa ka haere Te Ara Takahi puta noa ki Tunuhaere ka whati ka haere puta noa ki Te Toke, ka whati ka naere Te Akatea ka whati ka haere Otuhoiti puta noa ki Ahi tu Tawhaki ka whati ka haere Nga Mokopuna Ruru Nui Paraoa Nui Ihi Kapua puta noa ki te tumu o te Motu Ngaherehere ki tatahi ka whati ka haere ki Omoekau ka haere i roto o taua awa puta tonu atu ki Waiho ka haere i roto o Waiho ka haere Rapapukatea, Herewaka, Hotungaio, puta noa ki te kongutuawa ki Te Totara ka tutaki nga rohe ki konei—a na te rironga mai inaianei ki a matou o nga pauna moni e rua tekau takitahi £20 na Te Uira (Geo. W. Drummond Hay Esqre) i homai ka tino whakaae matou kia tino tuku rawatia a matou whenua me ona rakau me ona kohatu me ona wai me ona roto me ona manga me ona wahi ataahua me nga wahi kino me ona parae me ona ngaherehere me nga aha noa iho o taua whenua me nga mea katoa o runga ranei o te whenua o raro ranei o te whenua me te Tikanga me te Putake me te Paanga me Te Wahi me Te Tononga o matou katoa o matou takitahi ranei e mau ake nei ki taua whenua Heoi kua oti i a matou te hurihuri te mihi te poroporoaki te tino tuku rawa atu i te ra e whiti nei taua whenua o o matou tupuna tuku iho nei ki a matou kua whakahuatia nei nga rohe i runga ake nei a e mau nei te ahua ki te taha o tenei pukapuka tuku hei mau tonu ki Te Kuini me ana e hoatu ai ake tonu atu A hei tohu mo to matou whakaaetanga ki nga tikanga katoa o tenei pukapuka ka tuhia iho nei o matou ingoa me o matou tohu A hei tohu mo te whakaaetanga o Te Uira mo Te Kuini ki nga tikanga katoa o tenei pukapuka ka tuhituhia ano hoki e ia tona ingoa—