1859. 7 September.Mangonui District. Tenei Pukapuka i tuhituhia i tenei ra i te whitu o nga ra o te marama o Hepetema i Puheke. te tau o to tatou Ariki 1859 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Te Rarawa no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni E Toru Rau (£300) rua utua mai ki a matou e Te Henare Kepa mo te Kuini (a e whakaaetia nei e matou te rironga mai o aua moni) ko taua wahi whenua katoa kei Mangonui ko "Puheke" te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaet anga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Henare Kepa Bondaries. Kaiwhakarite Whenua. Ko nga rohe enei o taua whenua ka timata i Parakerake—Te Mata —Taratepetepe—te maunga o Puheke, ka marere ki te tai Rangaunu, ka rere, te kaha a te Reweti Hunia, te kaha a Te Matiu, marere noa ki te tai tokerau tutaki noa ki Parakerake ki te timatanga mai o te kaha.

Ko nga tangata i kite i te hoatutanga o nga moni me te tuhinga o nga moni— Receipt for £300. Kua riro mai ki a matou i tenei ra i te te whitu o nga ra o Hepetema i te tau o to Tatou Ariki Kotahi mano e waru rau e rima te kau ma iwa (1859) nga Pauna moni E Toru Rau (£300) Ko te utu tenei kua whakahuatia ki te Pukapuka tuku e mau i runga ake nei kia utua mai ki a matou e Te Henare Kepa mo te Kuini.