Waiake Block, Mangonui District.
1859. 30 August.Mangonui District.Tenei Pukapuka i tuhituhia i tenei i Te toru tékau o nga ra o
Akuhata i te tau o to Waiake. tatou Ariki 1859 hei Pukapuka tino hoko tino hoatu tino tuku whakaoti
atu na matou na nga Rangatira me nga Tangata o Te Rarawa no ratou nga ingoa e
mau i raro nei a hei whakaatu tenei Pukapuka mo matou mo o matou whanaunga me o
matou uri mo te tuhituhinga o o matou ingoa ki tenei pukapuka i raro i te ra e
whiti nei kua whakarerea rawatia kua tino tukuna rawatia atu kia Wikitoria Kuini
o Ingarani ki ona uri ki nga Kingi ki nga Kuini o muri iho i a ia me ana me a
ratou e whakarite ai hei whakaritenga mo nga Pauna moni E Rua rau e Rua tekau
£220 kua utua mai ki a matou e Te Henare Kepa mo te Kuini (a. e whakaaetia nei e
matou te rironga mai o aua moni) ko taua wahi whenua katoa kei Mangonui ko
Waiake te ingoa o taua wahi whenua ko nga rohe kei raro i te Pupapuka nei e mau
ana te korero whakahaere ko te mapi hoki o taua whenua kua apititia ki tenei. Me
ona rakau me ona kowhatu me ona wai me ona awa nui me ona roto me ona awa ririki
me nga mea katoa o taua whenua o runga ranei o raro ranei i te mata o taua
whenua me o matou tikanga me o matou take me o matou paanga katoatanga ki taua
wahi; Kia mau tonu kia Kuini Wikitoria ki ona uri ki ana ranei e whakarite ai
hei tino mau tonu ake tonu atu. A hei tohu mo to matou whakaaetanga ki nga
tikanga katoa o tenei Pukapuka kua tuhituhia nei o matou ingoa me o matou tohu.
A hei tohu hoki mo te whakaaetanga o te Kuini o Ingarani mo tana wahi ki nga
tikanga katoa o tenei Pukapuka kua tuhia nei te ingoa o Te Henare Kepa
Kaiwhakarite Boundaries. Whenua. Ko nga rohe enei o taua whenua ka timata i Werowero ka rere
Puketoetoe Mangakowhara, Te Kahiwi Roa, Te Wai o Tukai Pohuetaranaki, Te Wai
whakahaukiwi, Te Rakau pahore, ka pa ki te kaha a Te Matiu, ka rere i runga o te
kaha a Te Matiu marere atu i te Whakautu, ka whiti i te wai o te Whakautu, ka
haere, marere noa i Ohia i runga i te kaha a Te Matiu ka whawhati ka haere i te
taha o Te Roto pa noa ki Waiwerowero ki te timatanga o Te Kaha.
Ko nga tangata i kite i te hoatutanga o nga moni me te tuhinga o nga ingoa—
Receipt for £220. Kua riro mai ki a matou i tenei ra i te 30 o nga ra o Akuhata i te tau o
to Tatou Ariki Kotahi mano e waru rau e rima te kau ma iwa (1859) nga Pauna moni
E Rua Rau e rua tekau (£220) Ko te utu tenei kua whakahuatia ki te Pukapuka tuku
e mau i runga ake nei kia utua mai ki a matou e Te Henare Kepa mo te Kuini.
Reihana Kiriwi alias Richard Greeves.
Wiremu
Pikahu.
Henare Kepa.
Teira Karuhero x ko tona tohu.
Hone
Karu.
Ahuahu—Ko tona tohu. x
Nga Kai-titiro—
Joseph Reilly, Corpl. A.P.F.
Wiremu Kaitaia.
Henry Grover,
H.M. Customs.
W. B. White, R.M.
H. T. Kemp,
Commissr.