8 October 1863Mangoui District.Tenei Pukapuka i tuhituhia i tenei ra i te Waru o nga ra o Oketopa i te tau o to tatou Pupuke. Ariki 1863 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o "Te Tahawai" no ratou nga ingoa e mau i raro nei a hei whakaatu tenei Pukapuku mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni £1273 " 16 " 3. kua utua mai ki a matou e Te Henare Kepa mo te Kuini (a e whakaaetia nei e matou te rironga mai o aua moni) ko taua wahi whenua katoa kei Whangaroa ko "Te Pupuke" ki runga te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Henare Kepa Kaiwhakarite Boundaries. Whenua. Ko nga rohe enei o taua whenua ka timata i te taha ki Matawerohia i te pihi i tukua ki Te Kawanatanga i te taha Hauauru, mei i reira ka rere haere i runga o te Raina a Te Kai Ruri a pa noa ki te Raina o te pihi o "Maungataniwha" ka rere haere i runga i taua Raina. a pa noa ki te Raina o "Kohumaru" ka rere haere whakararo pa noa ki te Raina o te pihi o nga tamariki o Himi Poto, ka rere haere i runga i taua Raina, a marere noa ki te wai o "Ngaiwitaua" a, te moana, ka haere i te pihi i tukua e Ruinga, ka ahu whakatetonga ka rere haere tonu i runga o te Raina o te whenua i kapea mo nga Maori i te taha ki te "Pupuke," a pa noa ano ki "Matawerohia" ki te timatanga mai o te kaha.

Receipt for £1,273. 16. 3. Kua riro mai ki a matou i tenei ra i te Waru o nga ra o Oketopa i te tau o to Tatou Ariki Kotahi mano e waru rau e ono te kau ma toru (1863) nga Pauna moni (£1273 " 16 " 3.) Ko te utu tenoi kua whakahuatia ki te Pukapuka tuku e mau i runga ake nei kia utua mai ki a matou e Te Henare Kepa mo te Kuini.