1863 14 January.Mangonui District.Tenei Pukapuka i tuhituhia tenei ra i te 14 o nga ra o Hanueri i te tau o to tatou MauncataniwhaWest No. 2. Ariki 1863 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o te Iwi o Te Rarawa, no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni E Rima Rau e ono te kau 2s. kua utua mai ki matou e Te Henare Kepa mo te Kuini (a e whaaetia nei e matou te rironga mai o aua moni) ko taua wahi whenua katoa kei Mangonui ko Maungataniwha (Hauauru) te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Henare Kepa Kaiwhakarite Whenua. Ko nga rohe enei o taua whenua ka timata i te Maunga tona ingoa ko Puketoetoe, ka rere haere i te Raina Ruri tae noa kite Huinga, ka haere tonu i runga i nga raina Ruri tae noa ki te wahi tona ingoa i huaina ko Tapuketuki-tuki ka rere haere i runga i te Raina Ruri tae noa ki te wahi, i huaina tona ingoa ko Opou i roto o te wai o Kaitaia; ka rere haere i runga o te Raina Ruri, awhio noa mai ano ki te wai o Kaitaia ka haere i te wai o Kaitaia, a tae noa ki te pihi i waiho mo nga Maori tona ingoa ko Mangataeore ka haere i te Raina Ruri o Mangataeore ki te Pou i tiaia i te wai o Kaitaia tona ingoa i huaina ko Kowhatu potaka-taka, mei i reira ka rere haere i te Raina Ruri, tae noa ki Puketoetoe ki te Pou timatanga.