1863 14 January.Mangonui District.Tenei Pukapuka i tuhituhia i tenei ra i te 14 o nga ra o Hanueri i te tau o to tatou Ariki 1863 he Pukapuka tino hoko tino hoatu tino tuku whakaoti atu na matou na nga MaungataniwhaWest No. 1 Rangatira me nga Tangata o "Te Rarawa" no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite i hei whakaritanga mo nga Pauna moni E ono rau, e wha tekau ma whitu kua utua mai ki a matou e Te Henare Kepa mo te Kuini (a e whakaaetia nei e matou te rironga mai o aua moni) ko taua wahi whenua katoa kei roto o Mangonui ko "Maungataniwha (Hauauru) te ingoa o taua wahi whenua ka nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o page 17Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Henare Kepa Kaiwhakarite Whenua. Ko nga rohe enei o taua whenua ka timata i te wahi i tohungia mo nga Maori i Peria, ka rere haere i te taha Hauauru o Maungataniwha Boundaries. [12,940 acres.] ki runga tae noa ki te Pou i "Whakahara" mei i reira ka rere haere i te raina Ruri i te taha ki te tonga o Maungataniwha, tae noa ki te Rakau tia tona ingoa i huaina ko "Te Huinga"—nei i reira ka rere haere i runga o te raina Ruri a—"Puketoetoe"—ka rere haere i te Raina ruri me te Wai, tae noa ano ki te Wahi Koraha i "Otira" —ka rere haere i te Raina Ruri tae noa ki te Kaha o "Hikurangi" i te kaha hoki o Oruru ka rere haere.i te raina o te pihi o nga Maori—a—tutaki noa ki te pito timatanga mai i te pihi o "Peria." Otira, kei te Mapi o te Ruritanga o te whenua, te tino tikanga, me te tino whakamaramatanga o nga kaha katoa.

Kua riro mai ki a matou i tenei ra i te tekau ma wha o nga ra o Hanueri i te tau o Receipt for £647. to Tatou Ariki Kotahi mano e waru rau e ono tekau ma toru (1863) nga Pauna moni E ono Rau e wha tekau ma whitu (£647 . 0 . 0.) Ko te utu tenei kua whakahuatia ki te Pukapuka tuku e mau i runga ake nei kia utua mai ki a matou e Te Henare Kepa mo te Kuini.