1861 15 March.Mangonui District.Tenei Pukapuka i tuhituhia i tenei rai i te 15th o nga ra o Maehe i te tau o to tatou Ariki 1861 he Pukapuka tino hoko tino hoatu tino tuku whakaoti atu na matou na nga Hikurangi. Rangatira me nga Tangata o "Te Patû" no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga page 13mo nga Pauna moni E Rua rau E rima te kau kua utua mai ki a matou e Te Henare Kepa mo te Kuini (a e whakaaetia nei e matou te rironga mai o aua moni) ko taua wahi whenua katoa kei runga o Oruru ko Hikurangi te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Henare kepa Kaiwhakarite Whenua. Ko nga rohe enei o taua whenua ka timata i te Pa o te "Kara Boundaries. whiu" i runga i te raina o Otengi, a, Waiwhakata, ka rere i runga i te raina o Oruru, tae noa ki te wai o Waimihia, ko te Puke o Hikurangi ka mahue i te taha o te raina a Mapi (Murphy's) ka haere i runga i taua raina, tae noa ki te Pa o Te Karawhiu,—otira kei te Mapi te tino tikanga o nga Kana.

Kua riro mai ki a matou i tenei ra i te 15 o nga ra o Maehe i te tau o to Tatou Receipt for £250. Ariki Kotahi mano e waru rau e ono te kau ma e ono te kau ma tahi (1861) nga Pauna moni E Rua rau e rima tekau (£250 . 0 . 0) Ko te utu tenei kua whakahuatia ki te Pukapuka tuku e mau i runga ake nei kia utua mai ki a matou e e Te Henare Kepa mo te Kuini.