Ki a te Reweti,—Kia rongo mai koe, kua huaki a Waikato, ki tera whaitua. ki nga pakeha, he arataki kata, he hoia e wha kata, he kawe kai ki te Ia, ka tahi ka riri, hinga iho, 15 nga mea i mate, ko nga mea i kai a kiko tokorima kei te rongoatia e Taati. Ko nga tangata Maori, kotahi i mate rawa, no Ngatipou, ko nga kaiakiko tokowha ko te Teneti Paukena, no Ngatiapakura, ko Rewi, no Ngati-hinetu na te Haukatokia tenei Tamaiti, no Ngatipou te tahi no Ngatitamaoho te tahi, ko nga kata, i riro mai, ko nga mea mate i riro mai, ko nga kaiakiko i riro mai me nga pu ano, heoi, tenei korero na Keremeta, teina o Karamoa i kawe mai tenei korero ki konei, ka mutu tenei korero i konei.

Na W. Tamihana, He kupu ano tenei ko nga pu 16, heoi tenei ko nga Paraki, kei Tuakau kotahi kei Waiuku kotahi, no te pakeha aua paraki nei na ko Ngatimaniapoto, kua haere i te 27 nga ra o Hurae, nga tangata kua tu nei kotahi 100 ko Ngatiraukawa ki Wharepuhunga ki Arowhenua ki te whakamuru i te 27 o nga ra o Hurae huihui katoa 860.