Ki a Wata Kukutai,—E hoa, kua rongo matou i nga kupu a o matua—1, Kihai i pai ki te mahi a Maniapoto; te 2, Ko te kupu i tono mai ra koe Kia whakina atu ta maua nei mahara mo te kohuru, e mea ana ratou kia tae mai nga whakaaturanga a Taranaki; 3, Ko to kupu tiaki mo te Ia e mea ana kaua koe e haere ki te Ia waiho noa iho koia nei ta ratou kupu kaua koe e noho ki te Ia waiho ko ratou te taiepa, ko tau, ko ta ratou, ko tetehi taiepa ko Ihaka, ko Mohi, ko Tamati, ko Mangatawhiri, ko ena te taiepa huri iho tenei heoi^* nga kupu nei. E hoa, e tika ana ta ratou ki e ki nei waiho kia ratou kei waiho i runga i a koutou kupu tau tohe he take riri ma koutou kei utaina he take mo nga pakeha engari kia watea te utanga mai o te he a tatou pakeha kei utaina ki ena. Heoi ka mutu.