Other formats

    TEI XML file   ePub eBook file  

Connect

    mail icontwitter iconBlogspot iconrss icon

Return of the Correspondence signed or, Purporting to be signed by William Thompson te Waharoa, etc.

Kirikiriroa, Akuhata 4,1862

Kirikiriroa, Akuhata 4,1862.

Ki a te Pore kai tuhituhi o te Tari Maori, E hoa,—Tena koe, ko te take o taku tuhi atu kia koe; he wehi noku ki te mahi a nga hoia e hanga nei i te pa, ki te taha tika o Waikato, ko ta matou nei mahi he ngaki kai ma tatou ko ta koutou he mahi pakeke. Taro ake ana koutou ka tukino ano i a matou ina hoki te ahua. E hoa kaua e huna te pai, te kino, me he mea ka kite au i te kino o to matou nei taha ka korero atu ano au kia koutou ki nga kai tuku karere mai ki a matou. Heoi nga kupu mo te wehi.

E hoa maku tetahi pepa homai ki te pohi, kua pau nga pepa i tukua mai nei e te, Mete i runga i tona aroha noa ki ahau, ko te whakapaunga tenei, Na ko tenei mau hoki e homai tetahi taihana pepa maku kaore a maua nei pepa hei tuhituhi atu kia korua ko to tatou hoa ko te Kawana. Heoi te Kupu.

Na to hoa,

Na Heta Tauranga,

Kai-tuhituhi o Wiremu Tamihana.