Ki a Iraia Te Au,—Tena koe, kua tae mai to pukapuka tono mo te Koheroa kia tukua atu hei nohoanga mo koutou, E Iraia, e pai ana tena otiia e wehi ana ahau ki ou hoa tautohe me he mea e pai ana ratou ki to tikanga kia nohoia, koia tena nohoia, e kino ana ratou kaua e nohoia kei raruraru koutou. E Iraia koia tenei te take i roa ai taku maharatanga ki to pukapuka kei tupu he kino mo koutou. Ko tena maharatia marietia. Ka pai e Ra nohoia ki te kino e Ra kauaka e nohoia ka huri.