Ki te Kawana o Akarana,—E hoa tukua atu aku korero kia perenitia, kia kitea ai te take o aku whakaaro, i tupu ai taku mahi i te taha Maori, me timata taku korero i taku timatanga ki te karakia, kei te mahia nga whawhai ki Rotorua,ka rua tau o taua pakanga, ka tahuri au ki te karakia, ko te ingoa o taku minita ko Hohepa Faraone, i murua taua pakeha e toku iwi, ka timata taku karakia i muri o taku minita, ka riro atu ia ki Tauranga, ka tu ko ahau ki tona turanga me te mahi ano te pakanga ki Rotorua, ko ahau ka tohe kia mutu te riri, a ka mutu tera pakanga, ka timatatia mai e Hauraki ko te Topatopa ko te Urukaraka ko Kaukiuta, ka tu ano toku iwi Ha rapua te utu, ka pehia e au ka mutu tera. Kilhai i roa ko Hauraki ano ka huaki ki Waiharakeke, ko Pinenga ka riro i a Taraia, ka tu anotoku iwi kia rapua he utu, kihai i tukua kia whakatika ki te rapu utu, otiia e pehi ana ahau. I taua takiwa ko Tarapipi taku ingoa, kaore hoki oku minita hei whakakaha i au ki taua mahi i tukua mai: nei e te Atua ki Niu Tireni nei, ki ia wahi ki ia motu. I whakatina a hau e nga tuari o te Karaiti ki te-mahi i tenei mahi, me te mahi ahau i nga takiwa minita. ko[gap — reason: damage]e,.ka neke atu.taku.mahi ki te nui,katahi page 8ano ka hoki mai toku minita ki te tirotiro i au ara i runga i tana waewae tana kainga he haere kau mai he iriiri he tuku hakarameta ka hoki atu ki Tauranga. Ka mahi ahau i nga pakanga whenua mutu whakauaua i taku riri enei raruraru, kua nui haere nga minita ki nga kainga katoa me te noho ano au i toku kainga minita kore; ka whakaaro au kia hanga tetahi whare nui hei whare huinga mo nga iwi e noho mauahara ana i roto o Niu Tireni, kaore nei e piri tetehi ki tetehi, tu ana tana whare ko Pepara. Katahi ka tukua atu aku whakaaro ki te kimi i tetahi ritenga e piri ai nga iwi Maori, me huihui mai kia whakakotahitia nga tangata kia rite ki te iwi pakeha karangatia ano ko Ngatipaoa, kua tae mai ki a hau kua hui nga korero mo te pai, muri iho ka karangatia ko Ngatitamatera,kua tae mai muri iho ka karangatia ko Ngatiwhakaue muri iho ka karangatia ko Ngatiwhanaunga, kua tae mai otiia huhui kau ano e kawe ana te kino kaore ano i kopi te awa toto, me te maia ano nga minita me ahau hoki; kihai i mutu te rere a te toto, tae ana mai ko koe tuhera tonu te awa toto katahi ano au ka rapu whakaaro kia mutu ai, mahoki kua roa te tohenga o nga Minita, ka whakaaro au me pehea e mimiti ai tenei toto, i tenei motu. Ka titiro au ki a koutou pukapuka i te tononga a I haraira i taugi nei ki te Kingi mo ratou hei kai whakawa mo ratou ka titiro atu ano au ki te kupu a Mohi i a Tieuteronomi xvii. 15, ki nga Whakatauki i te xxix. 4. Heoi ka waiho enei kupu hei maharatanga, maku i nga tau katoa me te whawhai ano nga pakanga whenua me te maringi tonu te toto, me te mahara tonu ahau a tae mai ana ki te tau 1857, kua karangatia e te Heuheu he hui ki Taupo rupeke ake, e 800 topu Katahi ka tae mai nga rongo o taua hui ki au katahi au ka mea me whakaae au ki tenei hei hoa mo taku mahi, kia whai taanga manawa ai te whakapono o nga iwi kaore nei ano i piri noa tetahi ki tetahi. Ka timata a hau ki aua kupu o te pukapuka a Hamuera viii. 5, "Homai he kingi hei kai whakawa mo matou." No konei au i whakatu ai i a Potatau i te tau 1857, te turanga mutu tonu iho te toto a taea noatia tenei tau, ko te take i whakaturia ai e au ko Potatau hei Kingi moku notemea he tangata ia no tera toronga no tera toronga; he tangata hoki e manaakitia ana e nga iwi o tenei motu. Koia a hau e hoa i whakatu ai hei pehi i aku raruraru hei pupuru i nga whenua o nga mokai hei whakawa i nga he o nga rangatira. Tu ana te Kingi tu ana nga runanga, tu ana nga kai whakawa, tu ana te whakapono, kua mutu nga mahi o aku tupuna e iti haere ana inaianei, ko taku e ki nei kua mutu te toto o nga tangata Maori, haunga tenei toto nau i mahi takaniti koia i toto ai, kahore aku ki kia whiua atu a Kuini i tenei motu engari i toku piihi ko au hei kai titiro mo taku piihi. Heoi kei muri tetahi wahi.