Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

The Pamphlet Collection of Sir Robert Stout: Volume 63

III. Ko nga Hakarameta o te Hahi a Ihu Karaiti

III. Ko nga Hakarameta o te Hahi a Ihu Karaiti.

"Kei whakahaerea koutou ki nga whakaakoranga e puta ke ana, e hou ana. E pai ana raia kia whakaukia te tangata ki te atawhai; kaua ia ki nga kai, ko ratou hoki i whakaaro ki aua mea kahore i whiwhi ki te pai." Hiperu 13.9

No te reo Ratini ano te take o tenei kupu, o te Hakarameta. Ko tona tino tikanga ra tenei:—"he tohu page 17 no waho kau, ta te kanohi e kite ai, hei tohu ki te mahi whakawairua o roto i homai ki a tatou. Na te Karaiti ano i mea, hei mea hoki kia whiwhi ai tatou ki tona mahi whakawairua, a hei tohu hoki mo te rironga mai." 2 Katikihama VII. 117. Na, he maha nga mea whakarite i te halli o mua, ara, i to nga Hurai, i te mea, kiano te Karaiti i puta mai ki tenei ao. Heoi, kei whakarite kau ena mea, kahore he pumautanga. "He atarangi kau ta te ture o nga mea pai e haere ake nei, ehara ia i te ahua pu o nga mea." Hiperu 10. 1. "Otira ka tae mai te tino mea, hei reira whakakahoretia ai taua wahi." 1 Koriniti 13. 19. Na, ko te Karaiti te tino mea i whakapahuretia ai aua ritenga o mua, ki ta Paora hoki i mea "Na, i mua o te taenga mai o te whakapono, kua waiho tatou i raro o te ture, he mea kopani mo te whakapono meake whakakitea. Na, kua meinga te ture hei kaiwhakaako mo tatou, hei arahi kia te Karaiti, kia whakatikaia ai tatou ki te whakapono, a ka tae mai te whakapono, kahore tatou i waiho i raro o te kaiwhakaako." Karatia 3. 23,—25. No te matenga hoki o te Karaiti i rite katoa ai nga mea o te ture o Mohi nana hoki i karanga i runga i te ripeka "Kua mutu." Hoani 19. 20. Heoi, no te whakamahuetanga o ena i whakaritea mai e te Karaiti e tahi Hakarameta mo tana hahi, kia mau tonu ano "a kia tae mai ra ano ia." 1 Koriniti 11. 26. Na, e rua rawa aua Hakarameta i meinga mai e te Karaiti mo ona tangata, koia ia, "ko te Iriiringa, ko te hapa o te Ariki." Kia rongo koutou ki te tino tikanga o enei mea. Maku e whakaatu:—-