2. He tangata whiriwhiri, te minita pono, na Te Atua.

E kore ia e tango pokanoa i tenei mahi. "E kore ano hoki tetahi e tango i tenei honore ki a ia ano, otira, ko te tangata e karangatia ana e Te Atua, pera hoki me Arona." Hiperu 5, 4. He mea whiriwhiri ra hoki nga Apotoro i mua, "Naku ia koutou i whiriwhiri." Na te Karaiti i penei ki a ia ratou. Tera kei ta Hoani 15, 16. pena ano hoki tana korero mo Paora, "he mea whiriwhiringa naku tenei tangata, hei kawe i toku ingoa ki te aroaro o nga tau iwi, o nga kingi, o nga tamariki o Iharaira." Nga Mahi 9, 15. Ma wai oti ana pononga e whiriwhiri? Mana ano ma to ratou rangatira. Heoi, e kore te whakaaro o Te Atua e pena me to te tangata. Kaore, kua whiriwhiria e Te Atua nga mea kuware o te ao kia meinga ai nga tohunga kia whakama: a kua page 15 whiriwhiria e Te Atua, nga mea ngoikore o te ao kia meinga ai nga mea kaha kia whakama; a kua whiriwhiria e Te Atua nga mea ware o te ao, me nga mea e kinongia ana, me nga mea kahore i kitea kia whakakahore i nga mea e kitea ana: kia kore ai e whakapehapeha tetahi tangata ki tona aroaro." 1 Koriniti 1. 27, 29. E kore hoki te tangata pono e porahurahu ki te tango i tenei mahi. He mahi nui, he mahi whakamataku hoki tenei ki a ia. E ata whakaaro marire ana ia ki te tikanga o tenei minitatanga. He mahi titiro, he mahi tiaki i nga wairua o nga tangata. "He kakara pai o te Karaiti ki Te Atua—ki etahi he kakara o te mate haere atu ki te mate; ki etahi he kakara o te oranga haere atu ki te oranga." A, ka mea ia. "Kowai te kaha ana ki enei mea." 2 Koriniti 2. 15, 16. Na te mea, kua pa te karanga a Te Atua ki tona ngakau, ka maia ai ia ki te tango i te mahi nui o te minitatanga. Otira, e tango ana ki runga i te wehi me te wiri ano. E pena ana tona whakaaro me ta Paora, "Akakoa kauwhau ahau i terongo pai, kahore moku whakapehapeha; kua whakatakotoria hoki ki ahau tenei mahi; he aue ano moku ki te kore ahau e kauwhau i te rongo pai." 1 Koriniti 9, 16. He mea tono ia na te Karaiti, me tana e mea. "me te matua i tono mai i a au, ka tono hoki ahau i a koutou." Hoani 20, 21. "Mo konei ra, he karere matou mo te Karaiti, ano ra ka tohea koutou e Te Atua ki a matou: ka tohe atu matou mo te Karaiti, kia mau ta koutou rongo ki te Atua." 2 Koriniti 5, 20.