II. Ko nga minita o te hahi a Ihu Karaiti.

"A, kua ho mai e ia, etahi, hei apotoro; ko etahi, hei poropiti; ko etahi, hei kai kauwhau i te rongo pai; ko etahi, hei kai whangai, hei kai whakaako; mo te whakakahanga o te hunga tapu, mo te mahi o te mini tatanga, mo te hanganga ake i te tinana o te Karaiti." Epeha 4, 11. 12,

Ko tona tikanga maori ia o tenei kupu—o te minita—he pononga. Me ta Paora hoki i mea, "Kia penei te whakaaro o te tangata ki a matou, ano he pononga o te page 12 Karaiti, he tuari hoki i nga mea ngaro o Te Atua" Koriniti 4, 1. "A, ko ia e mea ana kia whakarangatira i roto i a koutou, hei pononga ia mo koutou: Me te Tama hoki a te tangata kihai haere mai kia minitatia he mea mana, oti kia minita ia, a, kia ho atu tona oranga hei utu mo te tokomaha." Na te Karaiti tenei korero, kei ta Matiu 20. 27, 28. Kahore hoki o te minita tino rangatira i tenei ao. Ko te Karaiti ia tona rangatira; ko ratou katoa nga teina Matiu. 23. 8, 10. Na te Karaiti hoki te kupu nei, "E kore te pononga e nui atu i tona rangatira." Hoani 13, 16. Ma te aroha ki Te Atua, ma te tino whakaaro tika, ka whakateina ai ratou tetahi ki tetahi. Tena, "Ko te tangata e whakakake ana i a ia ano ka whakaititia." Matiu 23, 12. He whakakake hoki tena na etahi, i wehewehea ai, i tu a whawhai tetahi ki tetahi. Pera hoki me nga akonga o te Karaiti i mua. I te mea, kiano i pakari noa to ratou matauranga, ka mea atu ratou ki a Ihu Karaiti, "E kara, kua kite matou i tetahi tangata e pei rewera ana ki tou ingoa; a kua riri matou ki a ia, no te mea, e kore ia e haere tahi me tatou. Ka mea atu a Ihu ki a ia, kaua e riria: ko ia hoki e hara i te hoa whawhai no tatou, hei hoa ia mo tatou." Ruka 9. 49, 50. A, he mea ano, na te mahi poka noa a nga akonga, ki te whakahe etahi ki etahi, ka waiho ai hei whakatupu wehewehe. I pera ano ra nga tangata karakia o Koriniti i mua, ina, ta Paora i riri ai ki a ratou, i mea, "E hara oti koutou i te hunga whakakikokiko, e haere ana ki to te tangata ritenga? Ka mea hoki etahi, no Paora ahau; ko tetahi atu, no Aporo ahau: e hara oti koutou i te hunga whakakikokiko? Kowai koia a Paora, kowai a Aporo, ko nga minita ia i whakapono ai koutou me ta te Ariki i ho atu ai ki tetahi ki tetahi?" 1 Koriniti 3. 3, 5. Heoi ra, ko nga minita teka e korerotia ana e te Karaiti, kei ta Matiu 7, 15. Me pehea tatou ka mohio ai ki a ratou? Me pehea ranei e rite ai i a tatou te kupu a Hoani, kei 1 Hoani 4, 1. "Me whakamatau nga wairua, no Te Atua ranei, kahore ranei." Ha, he mea takoto noa ra tena ki te tangata e matau ana ki te karaipiture. "Ma o ra- page 13 tou hua ka kitea ai ratou e koutou." Matiu 7, 16. Na, e kore e ngaro te ahua o nga minita e pono ana. E matauria ana ano o ratou tohu, koia enei:—