Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

The Pamphlet Collection of Sir Robert Stout: Volume 63

2. E nui haere ana ano tana Hahi i te ao

2. E nui haere ana ano tana Hahi i te ao.

Haunga ano nga hahi o mua, i te mea, kahore ano page 31 te Karaiti i tae mai ki te ao. Otira, ko tana hahi ano i muri i a ia. "Tenei ake ano tetahi kupu whakarite i ho atu e a ki a ratou, i mea, ko te rangatiratanga o te rangi e rite ana ki te pua nani i mauria mai e tetahi tangata, i ruia ki tana mara, koia ra ia ko te nohinohi pu o nga purapura katoa: ano ka nui, ko te nui rawa ia o nga otaota, ka rakautia, ka rere nga manu o te rangi, noho noa iho ki ana manga." Matiu 13. 31, 32. Kua rite tenei kupu. No te inatenta hoki o te Karaiti, e nohinohi pu ana tana hahi, "Huihui katoa o ratou ingoa kotahi rau e rua te kau." Nga Mahi 1. 15. Otira, i tupu haere ia, a kihai roa, "huihuia ana ki a ratou i taua ra, e toru mano o nga wairua." Nga Mahi 2. 41. "A kake haere ana te tokomaha o nga akonga, no ka rima mano." Nga Mahi 4. 4. Ahakoa, whakatoia ana'e nga rangatira o te ao, "Kanui haere te tupu o te kupu o Te Atua, ka kaha." Nga Mahi 19. 20. A, ka haere nga Apotoro ki te kawe i te rongo pai,—puta noa atu ki nga whenua katoa, Korohe 1. 6. Me kaua te matoketanga o te aroha o te hahi i muri iho, kua riro ke te ao i a ia. Nona i ngoikore, i taupokina ai te ao ki te pouritanga o te kino. A roa rawa te ngoikoretanga o te hahi a—tupu ana nga he. "I nga tangata ano i te moe ka puta mai te hoa riri, ka rui i te taru ki waenga witi." Matiu 13. 25. I roa te wahi i tupu ai te taru a—wahi iti kua ngaro katoa te witi i te taru. I kapi hoki te hahi i nga whakaakoranga poka ke i ta te karaipiture. A, ka mea ano, whakatupuria ake ana e Te Atua etahi tangata, "he tangata ki i te wkakapono, i te Wairau Tapu," pena hoki me Tipene, Nga Mahi 6.5. No te talli te kau ma rima o nga rau tau i muri mai i a Ihu Karaiti i ara ake ai ena tangata. Na ratou i mahi ki te inoi. I penei ra to ratou inoinga "Tonoa atu e koe tou marama me tou pono—kia matauria ai tou ara i te whenua, me tau mahi whakaora ki nga tau iwi katoa." Waiata 43. 3.—67. 2. Ka tahi ka oho te hahi. Na ratou hoki i mahi ki te whakahauhau. A ka tonoa nga karere, "Hei whiti ki a ratou e noho page 32 ana i te pouritangi me te atarangi o te mate." Ruka 1. 79. Na konei ra i mo runga ai te ra o te tikanga ki runga o te ao maori, hei whakamemeha i te pouritangi. "Ano nga waewae te pai o ratou e kauwhau ana i te maunga rongo, e kauwhau ana i nga mea pai!" Roma 10. 15. Ka tokomaha haere nga karere o te rongo pai—a, moroki noa nei. E tupu haere ana hoki te hahi i nga tau katoa, i nga whenua katoa. Na reira i kitea mai ai ki tenei motu, I mua tata ake nei hoki, kahore te ingoa o Te Atua, i matauria ki tenei whenua. Kapi tonu ia i te kino. "Na! hipokina katoatia ana te whenua ki te pouritanga, me nga tangata ki te pouritanga nui whakaharahara." Ihaia 60. 2. Penei tonu ano ia puta noa ki raro, puta noa ki runga. Hore he ra tapu, hore he pukapuka, hore he whare karakia, hore he Mihanere! Kahore hoki i tatu te noho o te tangata i te mataku-Rere ana te wehi i roto i te iwi. Noho ana a Hatana hei rangatira mo te tangata maori. "Ko o ratou waewae e hohoro ana ki te whakaheke toto." Roma 3. 15. Tangi ana te pouaru—noho mokemoke ana ia, haehae noa iho ana i tona kanohi—mo tona hoa hoki kua mate i te taua—mona hoki ka riro i te whakarau. Noho matua kore ana nga tamariki, topatia ana hoki e tahi ki te hangi. Te mahi a te iwi kino! Aue ana te kainga ka taea e te patu! Ko ia ngakau, ko ia ngakau, e pawerawera ana i te kawe riri, hei rapu utu mo ona matua i pau te kai! E kore hoki tetahi e haere noa i te kainga, i te mataku hoki ki te taua. Ko nga otaota katoa, e meinga ana e te ngakau wehi, he tangata. He rongo taua katoa nga korero, he piha te waiata. Kino tonu! Kinotoru! Aue, te mahi a Hatana! "He kai kohuru ia no te timatanga." Hoani 8. 44. Tena ko tenei. Puta rawa mai te rongo a te Karaiti, kahore ano i roa kahore ano tetahi whakapaparanga tangata i ata pahure, kua taea katoatia te motu e te Mihanere. Na, kua pai te whenua. Ko te pukapuka tapu kua oti te whakamaori ki te reo maori, A, e korerotia ana hoki "e nga taitamariki, e nga taitama- page 33 hine, e nga koroheke, e nga tamariki nonohi." Waiata 148. 12. Kua hanga he whare mote Atua, ki ia kainga, ki ia kainga. No te ra tapu hoki, ko te tokomaha "ka tomo atu ki ana tatau me te whakawhetainga, ki ona whare ano me te whakapai." Waita 100. 4. A, ko te tini o te tangata e haere haurangi ana i mua, "e noho ana, kua oti te whakakakahu, e tika ana nga whakaaro." Maka 5. 15. Haunga ano ratou kua tae ke ki runga ki te rangi,

E hari ana mai

Kei runga i te pai.

E hara i tenei whenua anake. Otira, ko nga tini motu o te moana me nga tuawhenua o te ao. Tena ano a Tongatapu, a Tahiti, a Hamoa, a Wahu, a Whihi, me te tini noa atu o nga whenua, kua tahuri ki te Atua. E whakatupu haere ana te hahi o te Atua. Ka pai me ki tatou "Ano te hohonutanga o te raneatanga o te mohiotanga me te matauranga o te Atua." Roma 11.33.

Na, tenei ano e talli o nga hahi e tono ana i te Mihanere ki nga whenua tawhiti, ki nga tau iwi:—
Ko te Hahi Weteriana o Ingarani 382 ana Mihanere
Ko nga Hahi o Merikana 334 ana Mihanere
Ko te Poropokatio Hohaiete 245 ana Mihanere
Ko te Hahi o Morewia 256 ana Mihanere
Ko te Mihanere Hohaeiti o Ranana 163 ana Mihanere
Ko te Hahi o Ingarani 103 ana Mihanere
Ko te Hahi Papitihi 83 ana Mihanere
Ko te Hahi o Kotorana 10 ana Mihanere

Me e talli atu hahi ano hoki. Ka tupu haere anei katoa. Kei nga whenua katoa hoki ka whakaturia ai te hahi, ko reira hoki tupu ai te aroha ki era atu. Ka rapu hoki ratou kia kohikohia te moni hei kawe i te rongo pai ki nga whenua katoa, kia taea katoatia nga tini topito o te ao. Tera hoki te tini o te whenua kahore ano i whitingia noatia e te maramatanga. E noho kino ana o reira tangata. "Kahore te wehi ki te Atua i mua i o ratou kanohi—ko te kororia hoki o te Atua, e kore nei e mate, kua whakaahuatia ketia e ra- page 34 tou ki te ritenga o te whakapakoko, o te tangata e mate nei o nga manu, o nga mea waewae wha, o nga ngarara." Roma 3. 18-1, 23. Ae ra "Kua ki hoki nga wahi pouri o te whenua i nga kainga kohuru." Waiata 74, 20. Kua mea a te Karaiti, kia "kauwhautia te rongo pai ki nga tangata katoa." Maka 16.15. Koia ahau ka mea atu ai ki a koutou, e nga tangata whakapono o Nui Tireni, kia mahara koutou ki nga whenua pouri o te ao. Maumau mate noa te Karaiti mo ratou, kahore nei i rongo ki tona matenga. "Me pehea hoki to ratou whakarongo ki te kahore he kai kauwhau? A me pehea ta ratou kauwhau ki te kore ratou e tonoa?" Roma 10. 14, 15. Ko te Karaiti, e mea ana, ma tana hahi te tikanga. Mana e whakarite i te Mihanere. Mo reira ra, he hunga koutou no tans hahi, whakaritea e koutou tana kupu, me hoatu hei tono i te kupu o te Atua kia nui haere. "Kua tango noa koutou, hoatu noa e koutou." Matiu 10. 8. "Kia pera koutou me tana e hiahia ai ki te ngakau, kaua ia e ho atu me te tangi me te tohe ano; e aroha ana hoki te Atua ki te tangata e ho atu hari ana. Tena ake ane, ko ia e rui nohinohi ana, e kokoti nohinohi ana; a ko ia e rui atawhai ana, e kokoti atawhai ano ia." 2 Koriniti 9. 7, 6.