Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

The Pamphlet Collection of Sir Robert Stout: Volume 63

2. Ko te hapa o te Ariki

2. Ko te hapa o te Ariki.

I whakaturia tenei Hakarameta e te Ariki, "hei whakamahara tonu ki tona matenge me nga painga e whiwhi ai tatou mo taua matenga ona." 2 Katikihama VII. 121. Ko ona tohu o waho, "he taro, he waina, kia kainga." Tirohia 1 Koriniti 11—23, 24, Ko to roto e tohutohungia ana, "Ko te tinana me nga toto o te Karaiti e kainga wairuatia ana e te hunga whakaponokia kaha ai, kia wai ngoi ai o ratou wairua." Tirohia 1 Koriniti 10. 16. Hoani 6. 54, 55. Na, ko te mea e hono tonu ai tatou te tango i tenei hapa tapu, ko ta te Ariki i mea mai, "meinga tenei hei whakamaharatanga ki a au." Ruka 22. 19. Ko ratou e tango tika ana i tenei hakarameta, e wangainga ana ratou e ia ki te taro o te oranga. He mea hoki kia hari ai te ngakau o ona tangata. No konei ratou ka ngakau nui ai ki te tango i te hapa o te Ariki. Pera hoki me nga tangata whakapono i te ra o Petikoha, "kotahi ano to ratou ngakau, a wawati taro ana ia whare, ia whare, ka kai hari i o ratou kai me te ngakau marama." Nga Mahi 2. 46.

Heoi, e kore e tika i a ratou e tango pokanoa ana i runga o te he. Kahore he whakaaro kahore he whakapono o roto i o ratou ngakau. Mo konei ra, "kia whakawa te tangata i a ia ano ka kai ai i te taro, ka inu ai i te kapa, koia hoki e kai he ana, e inu he ana, e kai ana, e inu ana, i te whakawhakanga mona, te wha- page 21 kaaro ko te tinana o te Ariki." 1 Koriniti 11. 28, 29. I riri hoki a Paora, i mua, ki a ratou o Koriniti na ratou i tango he te hapa tapu, poka ke to ratou ritenga i ta te Karaiti i whakarite. Na reira i pa ai te ngoikore me te mate ki a ratou. Heoi, he tokomaha i aru i tena he i muri iho. Kahore i ata tika to ratou tangohanga i tenei Hakarameta tapu. E kore rawa ratou e wai painga.

Otira, kua mahue rawa i etahi te tikanga o tenei Hakarameta. Whakaputa ke ana ratou i tetahi tikanga mo ratou e hara i Te Atua. Ko te hahi o Roma he tino ritenga maori tona, ko te waina e tino whakakahoretia ana mo ona akonga, a ko te taro, e karakiatia maoritia ana. No ratou ano to ratou mea. Ko etahi atu ano e whakaputa ke ana i tona tikanga i a ratou, e mea ana, ko te kai whakaora ia mo te tangata ko te Hakarameta. "I a ratou hoki e kuware ana ki te tikanga o Te Atua, e rapu ana kia whakaukia to ratou tikanga, kahore ratou e rongo ki te tikanga o Te Atua" Roma 10. 3. Otira, ka mea a Paora, "ka oti tatou te whakatika ki te whakapono, he maunga rongo to tatou ki Te Atua na to tatou Ariki, na Ihu Karaiti." Roma 5.1. "Kua whakaorangia hoki koutou ki te atawhai na te whakapono; a ko tenei e hara i a koutou; he mea ho mai noa na Te Atua." Epeha 2. 8. Tena, ko ratou e whakaputa ke ana i te ritenga o Te Atua, mea ana, ma te whakarite ki te Hakarameta, ma te aha noa atu, e ora ai te tangata, "e whakaako ana ratou i nga ture o te tangata hei whakaakoranga." Maka. 7.7 He tokomaha hoki ratou e kai Hakarameta ana, a e haere ana ki runga i te "huarahi warahi e tika ana ki te mate." Ma te tango kau koia ka aha ai? "Pai rawa te poropititanga a Ihaia mo koutou, mo te hunga ngutu kau, me ta te tuhituhi. E whakahonore ana te hunga nei i ahau ki nga ngutu, ko to ratou ngakau ia kei tawhiti ke, otira, maumau karakia noa ratou ki ahau." Maka 7. 6, 7. Koia ahau i mea ai, kei okioki koe ki runga i au tangohanga kautanga, i te mea, kahore ano tou ngakau i eke noa ki runga i a Ihu Karaiti, page 22 kia murua ai au hara katoa e ia ki ona toto. Penei, e kore koe e paingia e ia a tona taenga mai. "Ko reira koutou timata ai te korero, kua kai matou, kua inu i tou aroaro—a ka ki mai ia, ka mea atu ahau ki a koutou, kahore ahau e matau ki a koutou no hea ranei; haere atu i ahau koutou katoa te kai mahi i te kino." Ruka 13. 26, 27, E ngari ra, ko "ratou e haere mai ana ki te hapa tapu o te Ariki—kia rapu i roto i a ratou te tikanga o to ratou ripenetanga mo o ratou hara o mua, me te whai ngakau ano kia tika to ratou noho i te ao, kia rapu ano ki te tino whakaponotanga ki te mahi tohu a Te Atua i aha mai i a te Karaiti; kia mahara tonu ano hoki ki tona matenga, a, kia atawhai ki te tangata katoa. 2 Katikihama IV. 126.