1. He hahi kotahi te hahi a Ihu Karaiti.

Korerotia e koe ta Matiu 16, 18. "Ka hanga e ahau taku hahi ki runga ki tenei kamaka."—"Kua oti koia a te Karaiti te wehewehe?" 1 Koriniti 1, 13. "E mate a Ihu mo taua iwi: kihai ra ia mo taua iwi anake, otira, kia whakaminea ngatahitia nga tamariki a Te Atua kua oti te whakamarara. Hoani 11. 51, 52. "Na te Wairua kotahi hoki i iriiria ai tatou katoa ki te tinana kotahi, ahakoa Hurai, Kariki ranei, ahakoa herehere, rangatira ranei, a kua whakameinga katoatia kia inu i te Wairua kotahi." 1 Koriniti 12, 13. Ma konei hoki te inoinga a te Karaiti, "kia kotahi tonu ai ratou katoa; me koe hoki, e Pa, i roto i ahau, me ahau ano hoki i roto i a koe, kia kotahi ai ratou i roto i a taua." Hoani 17, 21. Na reira ano, "Kahore he Hurai, he Kariki ranei, kahore he pononga, he rangatira ranei. Kahore he tane, he wahine ranei; kotahi hoki koutou katoa i roto i a Ihu Karaiti." Karatia 3, 28.

He mea whakarite hoki te tahi ki te tinana o te tangata. Ko tahi ra ia tona upoko, ko tahi rawa ano hoki te tinana. "A, ko ia te upoko o te tinana o te hahi—mo tona tinana, ko ia ia ko te hahi." Korohe 1. 8, 24. "A, kua meinga ia hei upoko i ranga i nga page 5 mea katoa, mo te hahi, ko ia ia ko tona tinana, ko tana kinga e whakakiia nei nga wahi katoa ki nga mea katoa." Epeha 1,22.23. E whakaritea ana hoki ia ki te rangatiratanga. Heoi, ki te rangatiratanga kotahi ano, ina, ta Matiu 6, 10. "Tukua mai tou rangatiratanga." Me ta Hoani 18, 36. "Ka ki atu a Ihu, e hara taku rangatiratanga i tenei ao." Ko tenei hoki, "he hepeta o te tikanga te hepeta o tou rangatiratanga." Hiperu 1, 8. "Ko ia anake te whakapaingia ana, ko te Kingi ia o nga kingi, ko te Ariki o nga ariki." 1 Timoti 6,15. Ka rite ano hoki ki te whare, ina, "te whare o Te Atua ko ia ia, ko te hahi o Te Atua ora." 1 Timoti 3,15. "Ka whakapapa hoki koutou, ano he kowhatu ora, hei whare whakawairua." 1 Pita 2, 5. "Ko tona whare ano hoki tatou, ki te mea ka u tatou te pupuri i te maiatanga me te whakaputanga o te whakaaro pumau, te mutunga ra ano." Hiperu 3, 6. Heoi, kotahi rawa ano tenei whare, ina hoki, kotahi ano tona tino turanga, ki ta 1 Pita 2, 6. "Ka whakatakotoria e ahau ki a Hiona te tino kowhatu o te kokonga, he mea whiriwhiri, he mea utu nui." Ko tenei hoki, kei ta Paora, "Hore e tunga ke atu e ahei ai te tangata te whakatakoto i tena kua oti te whakatakoto, ko Ihu ia te Karaiti." 1 Kor. 3,11.

Otira, me rapu tatou i tenei Hahi kotahi ki hea? Kowai ranei tona ingoa? Kei tehea whenua ranei ia e noho ana? Ko te hahi o Ingarani ranei ia? Ko to te Weteriana ranei? Ko to Kotorana ranei? Ko tehea ranei ia o nga tini hahi, i te ao maori, e noho ana? Kahore pea. "E korero atu ana ahau ki te hunga mahara: Whakaaroa ra e koutou taku e mea atu nei." He aha koia ta te karaipiture e mea ana? "Kahore he Kariki i reira, he Hurai ranei, he kotinga, he kotinga kore ranei, he tau tangata ke, he Haitiana, he pononga, he rangatira ranei, otira, ko te Karaiti te katoa i nga mea katoa." Korohe 3, 11. E hara i te mea, ko tenei hahi, ko tera hahi, ko tera atu ranei, te tino hahi a te Karaiti, a, ko era atu kia kapea. Kaore, he mea kohikohi ona tangata i nga hahi katoa. Haunga ano nga page 6 tangata o te whenua, ko ratou katoa ano hoki o runga o te rangi. "Ara i te whakaritenga o te whakaka pinga o nga taima, kia huihuia nga mea katoa i roto i a te Karaiti, ko nga mea i te rangi, ko nga mea i te whenua, i roto ano i a ia." Epeha 1, 10. No namata noa atu etahi o nga tangata o tana hahi. Ko Apera, ratou ko Enoka, ko Noa, ko Aperahama, ko Ihaka, ko Hakopa, ko mea, ko mea, "e ohia ana ratou ki te kainga pai atu, ara ki te rangi; koia hoki Te Atua te whakama ai i a raton kia karangatia ko to ratou Atua." Hiperu 11, 16. A, no muri ano i a ratou, ka karangatia nga Iharaite, ko te hahi a Te Atua, "koia tenei ko te hahi i te koraha." Nga Mahi 7,38. Tenei ano hoki nga tangata tokomaha o tana halli e mau nei, kei nga tini whenua, e kore pea e matauria katoatia e te tangata; heoi, "kua matau te Ariki ki ona." 2 Timoti 2, 19. Na, kei runga kei te rangi ano hoki te mano tini o nga tangata tapu o tana hahi, "Mo konei ahau ka whakapiko ai i aku turi ki te Matua o to tatou Ariki a Ihu Karaiti, nona nei te ingoa e huaina ana ki te iwi katoa i te rangi, i te whenua—otira kua tae mai koutou ki Maunga Hiona, ki te pa hoki o Te Atua ora, ki Hiruharama i te rangi—ki te huihuinga nui ki te hahi o nga tamariki matamua." Epeha 3. 14, 15. Hiperu 12. 22, 23. Mo konei, kei whakaputa koe, e te tangata!—"Aua ra koe e whakakake, kia wehi ra,—kia tohe ano kia waiho te kotahitanga o te Wairua i te unga o te rangimarietanga. Kotahi raia tinana, kotahi Wairua, me koutou hoki i karangatia i te whakaaro tahi oto koutou karangatanga; kotahi Ariki, kotahi whakapono, kotahi iriiringa, kotahi Atua te Matua o nga mea katoa, ko ia i runga i nga mea katoa, ko ia ki nga mea katoa, ko ia i roto i a koutou katoa." Roma 11, 20. Epeha 4. 3—6.