Upoko 41.

Eahei ranei koe te huti i rewaiatana ki te matau? tona arero ranei ki te aho e tukua iho e koe?

2 E taea e koe te kokomo te matau ki tona ihu? e werohia ranei tona kauae ki te whao?

3 E inoi ranei ia ki a koe? e whakamarie ranei ia i ana kupu ki a koe?

4 Mana ranei e hanga te kawenata mo korua? ko koe hei tango i a ia hei pononga mou, ake ake?

5 E takaro ranei koe ki aia, ano he manu? e taea ia te herehere ekoe ma ou wahine?

6 Hei hakari ia ma ou hoa? ma ratou ranei ia e tuha ki nga tangata hoko?

7 Mau ranei ka kapi ai tom hiako i nga rino keka? tona mahunga ranei i te tao wero i ka?

8 Kia pa tou ringaringa ki; ia, ka mahara ki te whawhai, heoi ano.

9 Maumau te tumanakotanga ki a ia i ekore ranei e wehi ina ka kite te tangata ki aia?

10 Kahore he toa e manawa nui ki te whakaoho i aia, whaihoki, kowai te tangata? ahei te tu i toku aroaro.

11 Na wai ranei tetahi mea ki ahau kia utua e ahau? ko nga mea katoa o raro o terangi, noku ano.

12 Ekore au e whakangaro ngaro i ona wahi, i tona kaha, i tona humarietanga.

13 Kowai e kite i te ritenga o tona kakahu? kowaiehaere atu ki te paraire i aia?

14 Kowai e uaki i nga tatau o tona kanohi? ka whakawehi ano te rarangitanga o ona niho.

15 Ko ona unahi tana e whakapehapeha ai, kua kapi, ano he whakapiringa hira.

16 E piri ana tetahi ki tetahi, ekore e puta te hau ki roto.

17 Ka whakakotahitia tetahi ki tetahi, ko te piringa ekore e mawhera.

18 Ka tihewa ia ka puratoke; ko ona kanohi e rite ana ki te aonga o te ra.

page 47

19 Ka puta i tona mangai nga rama e ka ana, ka puta hoki nga korakora kapura.

20 Ka puta te mamaha o tona ihu, ano he pata e koropupu ana, he kohue ranei.

21 Ka ka te kapura i te hau o tona manawa, a, ka puta te mura i tona mangai.

22 Kei tona kaki te kaha, ka whakaharitia te pouritanga i tona aroaro.

23 Ka piri nga whakapapanga o tona kikokiko: a, pakeke ana; ekore e taea te whakangaueue.

24 Heoi tona ngakau me te kowhatu; heoi te pakeke me te pihi kowhatu mira.

25 Ka tu ia ki runga, ka wehi nga tangata kaha; mo to ratou whatinga i whakatapua ai ratou.

26 Ko te hoari o te tangata e patu i a ia, ekore e ora: te tao, te kokiri, me te kotaha.

27 Ka mea ia he kakau witi te iwore, ko te parahi ki a ia herakau pirau.

28 Ekore ia e orna i te kopere: ko nga kowhatu o nga kotaha he otaota ki a ia.

29 He otaota te kokiri: ka kata ia ki te hapainga o te tao.

30 Kei raro i a ia nga kowhatu koikoi: ka akiritia e ia nga mea koikoi ki runga ki te paru.

31 Ka whakakoropupu ia i te hohonu ano he kohue: ka pena te moana i a ia me te kohue hinu.

32 Kei muri i aia te marinotanga, ano kua hina te moana.

33 Kahore o uta penatanga me ia, hore he wehi.

34 Ka titiro ia ki nga mea tiketike katoa: he kingi ia mo nga tamariki whakapehapeha katoa.