Upoko 39.

Ka matau koe ki te taima e whanau ai nga nanenane maka o nga parikowhatu? e kite ranei koe i te whanau tanga o nga haina?

2 E matau ranei koe ki nga marama e to ai ratou? e kite ranei koe ki te taima e whanau ai ratou?

3 Ka whakanoho iho ratou, ka whanau o ratou kuao, ka puta ki waho o ratou mamae.

4 Ko o ratou kuao e whai ngako ana, ka nui ratou i te kainga i te kanga; ka puta ratou ki tawhiti, ekore e hoki mai.

5 Na wai i tuku atu te kaihe maka, i wetekia e wai ranei nga berenga o te kaihe moho?

6 Kua meinga e ahau te koraha hei whare mona, ko nga whenua koraha hei kainga mona.

7 E hi ana ia ki te tokomaha o te pa, ekore ia e wehi ki te riri a te kaiwhiu.

8 Kei nga kahiwi o nga maunga tana kai; ka rapu ia ki nga mea matomato.

9 E pai ranei te uni kanga ki te mahi ki a koe, e rarata ranei ki tau takotoranga kai?

10 E taea e koe te herehere te unikanga ki ona herenga hei hoiho parau? mana ranei e to te rakaraka ki ou mara?

11 Na tona kaha ranei i mea ai koe e pono tana mahi ki a koe? e tukua ranei ek3 tau mahi ki aia?

12 E mea ana koe e homai e ia tau witi ki a koe, ka kohia ki tau rua?

13 Nau ranei i ho atu pakau pai ki nga pikoka, pakau hoki me nga huruhru ki te otoriki?

14 E waiho nei i ona hua i te whenua, ka whakamahanatia e ia ki te puehu,

15 Ekore e mahara ka takahia e te waewae, ka pakore i nga kararehe maka.

16 E pakeke ana ia ki ona pi, ano ehara i aia: maumau mahi noa ia, ekore e wehi;

17 No te mea kihai i whakaakona ia e te Atua, kihai i ho atu i te matauranga ki ata.

18 No tona whakatikatinga ki te haere, ka kata ia ki te hoai ho aru me te tangata o runga.

19 Nau ranei i tuku atu te kaha ki te hoiho? nau ranei i whakakakahu tona kaki ki te whatitiri?

20 E ahei koe te whakawehi i a ia ano he mawhiti whiti ka rere te wehi o te takirihanga o ona pongaponga.

21 E rakuraku ana ia i te whenua, e hari ana ki tona kaha: ka kokiritia e ia ki ona hoa whawhai.

22 Tawai ana ia ki te wehi, ekore e mataku; ekore ia e whati.

23 Ka ngatete ki a ia te hamanu, te penete uira, me te arai.

page 45

24 Ka kainga e ia te oneone i tona whakatakariri i tona toa: ekore ia e whakarongo ki te reo o te tetere.

25 Ka mea ia i roto i nga tetere, Hi, hi: kahongi atu ia ki te whawhai ki tawhiti, ki te whatitiri o nga rangatira me te haka.

26 Nau te matauranga e rere nei te kauaua, e whakamaro ranei i onapakau ki te rere ki te whenua mahana?

27 Na tau kupu ranei i rere ai te kahu ki runga ki te wahi tiketike hanga ai i tona ohanga?

28 Ko tona kainga e tau ai e noho ai, kei runga i te pari, 1 te tone kowhatu, i te wahi kino.

29 Ko reira titiro ai ona kanohi ki tana kai, ka kite ona kanohi ki tawhiti.

30 Ka inu hoki ana pi i te toto: a, ko nga wahi i takoto ai nga mea mate, kei reira ia.