Upoko 33.

Tena, e Hopa, whakarongo mai ki aku kupu, kia rongo ano ki aku korero katoa.

2 Na, ka hamama toku waha, ka korero toku arero i toku mangai.

3 Ko aku kupu ko te tikanga o toku ngakau, ka tika te korero o oku ngutu ki te matauranga.

4 Na te wairua o te Atua a hau i hanga, a, na te haanga a te Atua kaha i homai ki au te oranga.

5 E ahei koe te whakahoki mai, na, me whakarite ou kupu i toku aroaro, whakatika.

6 Na, ko au hei hoa korero mou: he mea hanga hoki au e te Atua ki te oneone.

7 Ekore ra koe e mataku ki te wehi oku, ekore hoki toku ringaringa e taimaha ki runga ki a koe.

8 Kua korero ano koe i toku aroaro; kua rongo ahau ki te reo o au kupu, kua penei,

9 Ka ma ahau, hore aku kapenga; e hara kore ana a hau, kahore hoki he kino i roto i ahau.

10 Otira, e whakapae ana ia ki a au, ka mea ia, ko tona hoa whawhai ahau.

11 Kua maka e ia oku waewae ki te hereherenga, e whakapapa ana ia i oku haerenga.

12 Na, kihai i tika tena a au: maku e mea atu, e nui ake ana te Atua i te tangata.

13 He aha tau e tohe ki aia? ekore ia e whakapuaki mai i ana ritenga.

14 Nga korerotanga a te Atua, katahi, karua, ekore te tangata e mohio.

15 I te moe ano, i te whakakitenga o te po; ina parangianga tangata, i nga tune whatanga i te moenga;

16 Ko reira whakapuaretia ai eia nga taringa o te tangata, ka hiritia hoki to ratou whakamatauranga.

17 Kia puritia te tangata i ana mahi, kia ngaro ai te whakakake a te tangata.

18 E puritia ana e ia tona tinana kei riro ki te urupa, me tona oranga kei mate i te hoari.

19 E mate ana hoki ia i te mamae i runga i tona moenga, me ona tini wheua i te mamae nui.

20 A, ka whakarihariha ia ki te taro, ka kawa tona waha page 37 ki nga mea reka katoa.

21 Ka hemo tona kikokiko, ekore e kitea; ko ona wheua i ngaro kua puta kau ki waho.

22 E whakatata ana tona tinana ki te urupa, me tona oranga ki te mate.

23 Ki te mea he karere tona, he kaiwhakamaori, ahakoa kotahi anake o te mano, hei whakaatu i te tangata ki te tikanga

24 Penei, ka aroha ia ki aia, ka mea, Whakaorangia ia kei haere iho ki te poka, kua kite au i te utu.

25 Ka whakahoutia tona kikokiko, ano he tamari ki; ka hoki ia ki nga ra o tona tamarikitanga;

26 Mana e inoi ki te Atua, a, ka pai ia ki aia; ka kite hoki ia i tona kanohi, ka hari; mo te mea e utua e ia te tangata mo tona tikanga.

27 Ka titiro ia ki te tangata, a, ka whaki tetahi, ka mea', Kua hara ahau, kua be i ahau te mea i tika, a, kibai pai,

28 Penei, ka wawao ia i tona wairua kei hekeiho ki te wharua, a, ka kite tona oranga i te maramatanga.

29 Na, be tini nga peneitanga a te Atua ki te tangata,

30 Kia whakahokia mai tona wairua i te wharua, kiamarama i te maramatanga o te oranga.

31 Mahara mai, e Hopa, whakarotigo mai ki au: kati tau, kia korero abau.

32 Ki te mea e whai kupu ina koe, meinga mai: korero, mo te mea, e pai ana ahau kia tika koe.

33 Ki te kahore, na, me whakarongo mai ki a au: kati tau, a, ka ako au i akoe ki te matauranga.