The Pamphlet Collection of Sir Robert Stout: Volume 63
Upoko 3
Upoko 3.
Muri iho i tenei, ka hamama te mangai o Hopa ka kanga ki tona ra.
2 Ka korero a Hopa, ka mea,
3 Kia ngaro te ra i whanau ai a hau, me te po ano i penei ai te korero, kua to, he tamaiti tane.
4 Waiho taua ra he pouritanga; aua te Atua e titiro iho i runga ki reira, aua te maramatanga e whiti ki runga ki reira.
5 Waiho ki reira te pouritanga me teatarangio te mate; kia kapi ia i te kapua; ko te kokouritanga o te rangi hei whakawehi ki reira.
6 A, ko taua po, kia hopukina e te pouri; aua ia e karapitia ki nga ra o te tau; aua ia e taua i te taunga o nga marama.
7 Na, kia mahue taua po, aua tetahi reo hari mo reira.
8 Ko ratou e kanga ana ki te ra, kia kanga ki reira, ko ratou e mea ana kia puta te tangihanga.
9 Kia pouri nga whetu o tona kakarauritanga; kia titiro ia ki te maramatanga, a, kaua e kitea; kaua ia e kite i te takiritanga o te ata:
10 Mo te mea kihai i wha- page 4 kakapiia nga tatau o te whenua o toku whaea, kihai i araia oku kanohi kei tangi.
11 He aha ra te mate ai ahau i toku whanautanga? he aha ranei te marere ai toku wairua i taku putanga mai i te kopu?
12 He aha i noho ai a hau ki nga turi? i whangainga ai ahau ki nga u?
13 ¶ Penei, kua takoto noa ahau, kua rangimarie, kua moe: a, kua okioki ahau,
14 Matou ko nga kingi, me nga kaiwhakawa o te whenua, i hanga ai nga wahi mokemoke mo ratou.
15 Matou ko nga piriniha i whai koura, i whakakiia ai o ratou whare ki te hiriwa:
16 Kia pena me te whanautanga mate roto kihai i pakari, kua kahore ahau; ano he tamariki kihai kite i te ao.
17 Ka mutu i reira te whakatoi a te kino; ko reira okioki ai te ngenge.
18 Ko reira nga pononga okioki tahi ai; ekore e pa mai ki a ratou te reo o te whakatuma.
19 Kei reira ano te nui me te iti; a, e atea ana te pononga i tona rangatira.
20 He aha i homai ai te maramatanga ki te tangata e whakamomori ana, he aha i ora tonu ai te tangata e kawa ana te ngakau;
21 E tatari nei ki te mate, a, te tae mai; e keri nui nei ki aia, ano he raonga ngaro i raro i te whenua;
22 E hari pu ana ratou e koa ana, ina kite ratou i te urupa?
23 He aha i marama ai te tangata kua ngaro tona huarahi, kua taiepatia e te Atua?
24 Kahore ano ahau i kai noa ka puta taku tangi, ko aku auetanga, kua pakaru ki waho, ano he wai puke.
25 Ko te mea ano i wehi nui ai ahau, kua pa ki a au, ko te mea i mataku ai ahau, kua tae mai ki runga ki a au.
26 Kihai au i ora, kihai i okioki, kihai i rangimarie; otira kua pa te pouri.