Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

The Pamphlet Collection of Sir Robert Stout: Volume 63

Upoko 29

Upoko 29.

A Ka tohe ano a Hopa ki tana ki, ka mea,

2 Me i penei me nga marama ka mahue nei, me nga ra i tiaki ai te Atua i a au;

3 I te tiahotanga o tona rama ki toku mahunga, na tona page 31 rama i puta ai ahau i te pouri;

4 Me i penei me au i toku taitamarikitanga, i te whakaminenga o nga tangata o te Atua ki toku tapenakara;

5 I te wahi i noho ai te Atua ki a au, i te wahi e noho ana oku tamariki ki ahau.

6 I te horoinga o oku waewae ki te pata, me te ringihanga mai ki au o nga awa hinu i te wahi kowhatu.

7 I taku haerenga atu ki te kuwaha i te pa; i taku whakapainga i toku nohoanga i te huarahi.

8 I kite nga taitamariki ki ahau, ka piri; ka whakatika nga kaumatua, ka tu ki runga.

9 I mutu te korero a nga piriniha, i meinga te ringaringa ki o ratou mangai.

10 I ngaro ano te reo o nga rangatira, ka piri o ratou arero ki te taha ki runga o o ratou mangai.

11 Ka rongo te taringa ki a au, ka whakapai mai; ka kite te kanohi i a au, ka whaki mai ki a au.

12 Mo taku whakaoranga i te hunga rawakore i tangi; me nga pani, me te hunga kahore he whakawhirinakitanga.

13 Ko tera i ora noa i te mate, ka whakapai ki a au: Naku i waiata ai te ngakau o te wahine pouaru i te hari.

14 I kakahuria e ahau te tikanga, ka oti au te ka kahu; i rite toku whakawa ki te kakahu pai, me te karauna.

15 Ko ahau hei kai arahi mo te hunga matapo, hei waewae ahau mo nga kopiri.

16 Ko au hei matua mo nga tangata rawakore; a, ko te mea te matau ahau, i rapua e ahau.

17 A, whatiia ana e ahau nga kauae o te kino, tangohia ana nga mea pahua i ona niho.

18 Na, ka mea ahau, hei toku ohanga ahau mate ai, a, me te onepu ano te maha o oku ra.

19 I tupu toku pakiaka ki nga wai; i kapi hoki oku manga i te tomairangi, a, ao noa te ra.

20 I hou tonu toku kororia i roto i a au, I hou ano toku kopere i toku ringaringa.

21 I whakarongo ano nga tangata ki ahau, i tatari ano, i whakarongo tonu ki taku ako.

22 Ka mutu taku korero, kihai ratou i korero; ka tau toku reo ki runga ki a ratou.

23 I tatari hoki ratou ki a hau, ano he ua; ka kohera o ratou mangai, ano he hiahia ki te ua o muri.

24 Ka kata ahau ki a ratou, kihai ratou i whakakake, kihai i whakapouritia te maramatanga o toku kanohi.

25 Naku te ritenga mo koutou, ka noho ahau hei rangatira; ko ahau te kingi o te taua, ka pena me te hunga whakamarie i te hunga tangi.