The Pamphlet Collection of Sir Robert Stout: Volume 63
Upoko 17
Upoko 17.
Ka marere toku wairua, kua pau oku ra, ko nga urupa kua rite moku.
2 Kahore he kai tawai i au? ekore toku kanohi e kite i to ratou whakatakariritanga?
3 Tukua iho ra, meinga ahau kia pono taua; kowai ra e hariru ai maua?
4 Kua whakakuware koe i to ratou ngakau kei matau; koia te whakanuia ai ratou ekoe.
5 Ko te tangata e whakapati ana i ona whanaunga, ka pirati nga kanohi o ona tamariki.
6 Kua meinga ahau e ia hei tawainga ma te tangata; oti ra, i waiho ahau i mua he haringa ma ratou.
7 Ko oku kanohi ano, kua pouri i te tangi, ka rite oku whakaaro ki te atarangi.
8 Ka miharo nga tangata tika ki tenei, ka tukua te tangata tika ki nga tangata tinihanga.
9 Ka tohe ano te tangata tika ki tona tikanga, a, ko te tangata e ma ana ona ringaringa, ka tupu haere tona kaha.
10 Tena ko koutou katoa, hoki atu ra, a kia whakaaro mai ano: kahore ano au i kite i tetahi o koutou e matau ana.
11 ¶ Kua pahure oku ra, ko oku whakaaro kua whati, me nga whakaaro ano o toku ngakau.
12 Ko oku mamae hei whaka roa i te po: poto ake ano te ao ka po.
13 Ki te tatari ahau, na, ko te urupa hei whare moku: kua hangaa toku moenga e au ki te pouri.
14 Kua penei ahau ki te pirati. Ko koe hei matua moku: na, ki te toke ano, Ko toku whaea, ko toku tuahine.
15 Waihoki, keihea taku tumanakotanga? kowai ka kite i taku tumanakotanga?
16 Ka haere iho ratou katoa ki nga moenga o te urupa, ina ka okioki tahi matou ki te puehu.