The Pamphlet Collection of Sir Robert Stout: Volume 63
Upoko 15
Upoko 15.
Ano ka ki a Iraipaha te Timanaite, ka mea,
2 Kia korero koia te tangata matau ki te kupu hangareka, ka whakaki i tona kopu ki te marangai?
3 Kia korerorero ia ki te kupu huakore? me nga kupa kahore nei he painga?
4 Ka whakarerea ekoe te wehi, ka whakakahore i te inoi ki te Atua.
5 Ko tou mangai hei whakapuaki i tou kino, a, kua pai koe ki te arero o te hianga.
6 Kua whakaaturina tou kino e tou mangai ano, ehara i a au, ae ra, e whakapae ana ou ngutu ki akoe.
7 Ko koe ranei te tuatahi o nga tangata i whanau? kua hangaa ranei koe i mua atu o nga maunga?
8 Kua rongo koe ki te mea page 17 huna a te Atua? ko koe anake ranei te tangata whakaaro?
9 He aha te mea e kite nei koe ekore matou e kite? He aha ou mea e matau nei kahore i a matou?
10 Kei a matou ano nga hina me nga tino tupuna, e nui rawa ana i tou matua.
11 E nohinohi ana ki akoe nga whakamarietanga a te Atua? he mea huna ranei ou?
12 He aha i kawea ai koe e tou ngakau? he aha te mea e whakakeko nei tou kanohi?
13 I kino ai tou wairua ki te Atua, i whakapuakina ai nga kupu pena i tou mangai?
14 He aha te tangata, i ma ai ia? aia ranei i whanau i te wahine kia tino tika?
15 Na, ekore ia e whakawhirinaki ki ona tangata tapu; na, ko nga rangi hoki ekore e ma ki tana titiro.
16 Tena ko te tangata whakarihariha e paru ana, e inu ana i te kino, ano he wai?
17 ¶ Maku e mea atu, whakarongo mai: a, ko te mea i kite ai ahau kia korerotia atu;
18 I korerotia e nga tangata matau i a ratou matua, kihai i huna:
19 Te hunga i homai ai ki a ratou te whenua, kahore he manuhiri i roto i a ratou.
20 E haere mamae ana te tangata kino i ona ra katoa: ka ngaro ki a ia te potonga o nga tau ki te tangata whakatuma.
21 Ko te reo o nga whakamataku, kei tona taringa ano: i tona oranga ano, ka puta mai te taua ki aia.
22 Ekore ia e penei, e, ka hoki mai ia i te pouri, a, ka taria ia mo te hoari.
23 Ka haere noa ia hei rapu i te kai, ka mea, Kei hea ia? ka matau ia, kua patata te ra o te pouritanga.
24 Ko te pouri me te mamae hei whakawehi i a ia; ka kaha ena mea ki a ia, ano he kingi e whakatika ana ki te taua.
25 Mo te mea, e whakamarokia ana tona ringaringa ki te Atua, ka tukaha ano hoki ki te Atua.
26 Ka huaki ia ki te Atua, ki tona kaki, ki nga pakeketanga o ona arai.
27 Ka whakanui hoki ia i te ngako ki tona kanohi, ka meinga kia rahi te ngako ki ona kaokao.
28 Otira, ka noho ia ki nga kainga mahue, ki nga whare ekore e nohoia e te tangata, meake hinga.
29 Ekore ia e whai taonga, ko ana mea ekore e waiho ki a ia; a, ekore ano ia e ahei te whakapumau i tona painga i te ao.
30 Ekore ia e riro i roto i te pouri; ko te mura hei whakamaroke i ona manga, a, ma te manawa o to te Atua mangai e hoki ai ia.
31 Kei whakawhirinaki ki te hangareka o te tangata kua tinihangatia, mo te mea, ko te hangareka hei utu mona.
page 1832 Ekore e tae ki tona taima kua kotia, ekore e mangu tona manga.
33 Ka marere i a ia ona kerepi ekore e pakari, ano he waina: ka marere tona puawai, ano he oriwa.
34 Ka whakamatea te whakaminenga o te tinihanga, ka pau i te kapura nga tapenakara o te utunga whakapati.
35 Ka hapu ratou i te whakatoi, ka whanau he kino, ka whakaritea e o ratou ngakau te hianga.