Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

The Pamphlet Collection of Sir Robert Stout: Volume 63

Upoko I

page 1

Upoko I.

He tangata ano i te whenua o Uhu, ko Hopa tona ingoa; i pakari ano taua tangata, i tika hoki, i wehi ano ia ki te Atua, i mataku ki te kino.

2 A, whanau ana ona tamariki tane toko whitu, me nga kotiro toko toru.

3 Ko ana kararehe ano, e whitu mano hipi, etoru mano kamera, erima rau topu o nga okiha, erima rau o nga kaihe uha, a, he kainga nui whakaharahara ano; koia i nui ai tenei tangata i nga tangata katoa o te ita.

4 A, ka haere ana tamariki tane ki o ratou whare kai ai i a ratou hakari, ko tetahi ano i tona ra, ko tetahi i tona ra; ka tukua atu te karere ki o ratou tuahine toko toru, kia haere mai kia kai tahi, kia inu tahi me ratou.

5 A, ka pahure ano o ratou ra hakari, ka tukua he karere e Hopa ki a ratou kia whakatapua ratou, a, ka ara ake ia i te ata, ka tahu i nga tahunga tapu mo ratou, he mea whakarite ki a ratou katoa: ka mea hoki a Hopa, Kua hara pea aku tamariki, kua whakarerea te Atua e o ratou ngakau. I penei ano a Hopa i nga ra katoa.

6 ¶ Na, he ra ano i haere mai ai nga tamariki a te Atua ki te aroaro o ihowa, na, ka haere mai hoki a Hatana i waenga nui i a ratou.

7 Ka mea atu a lhowa ki a Hatana, I haere mai koe ihea? Na, ka ki mai a Hatana ki a lhowa, ka mea, I te haereere ano i te whenua, i te haere ki runga, i te haere ki raro.

8 A, ka mea a lhowa ki a Hatana, Kua whakaaro tou ngakau ki toku pononga ki a Hopa, ekore e rite ki a ia nga tangata o te whenua, he tangata pakari he tangata tika, e wehi ana ki te Atua, e mataku ana ki te kino?

9 Ka ki mai a Hatana ki a lhowa, ka mea, oti e mahi ana a Hopa ki te Atua mo te utu kore?

10 Kahore ano koe i hanga noa i te taiepa mona, mo tona whare, mo ana mea katoa hoki, i nga taha katoa? Kua whakapaingia ekoe te mahi a ona ringaringa, a, kua tini ana kararehe i te whenua.

11 Tena ko tenei, whakamarokia tou ringaringa, kia pa ki ana mea katoa, ko reira kanga ai ia ki a koe, i tou aroaro.

12 A, ka mea a Ihowa ki a Hatana, Na, ka tukua atu nei ki tou ringaringa ana mea katoa; otira, kei pa tou ringaringa ki tona tinana. Na, ka haere atu a Hatana i te aroaro o Ihowa.

13 ¶ A, he ra ano ka kai ka inu waina nga tamariki tane me nga tamahine a Hopa, i te whare o to ratou whanaunga matamua:

14 A, ka puta mai te karere ki a Hopa ka mea, I nga oki- page 2 ha e parau ana, me nga kaihe e kai tata ana,

15 Ka puta mai nga Hapiana, ka mau, haere ana: a, kua patua hoki e ratou nga pononga ki te koinga o te hoari; ko ahau anake i ora mai ki te korero ki a koe.

16 A, i a ia ano e korero ana, ka puta mai tetahi, ka mea, Kua taka iho te kapura a te Atua i runga i te rangi, a, kua wera nga hipi me nga pononga, a, pau iho; ko ahau anake i ora mai ki te korero ki a koe.

17 A, i a ia ano e korero ana, ka puta mai hoki tetahi ka mea, Ka whakatakotoria e nga Karariana kia toru kauae, na, ka huaki ki nga kamera, ka mau, haere ana; a, kua mate nga pononga i te koinga o te hoari; ko ahau anake i ora mai ki te korero ki a koe.

18 A, i a ia ano e korero ana, ka puta mai tetahi, ka mea, E kai ana, e inu waina ana ou tamariki tane, me ou tamahine i te whare o to ratou whanaunga matamua:

19 A, ka puta mai taua pokaka nui i te koraha, ka pa ki nga kokongaewha o te whare, a, hinga ana te whare ki runga ki nga tamariki, a, kua mate ratou; ko ahau anake i ora mai ki te korero ki a koe.

20 A, ka whakatika a Hopa, ka haehae i tona kakahu, ka waru i tona upoko, ka hinga ki raro ki te whenua, ka karakia.

21 Ka mea, I puta kau mai ahau i te kopu o toku whaea, a, ka hoki rawa kore ahau ki reira: na Ihowa i homai, na Ihowa ano i tango; a, kia whaka paingia ano te ingoa o Ihowa.

22 A, kihai hara a Hopa i anei mea katoa, kihai hoki i whakakuware ki te Atua.